اشحالكم حبابيبي
حبايبي انا بغيت طريقة خلية النحل بالتفصيل
يعني ابا اعرف كيف نحط الجبن ونكورها بالصور
بلييييييييييييييييز بنات ساعدووني
افا ولا رد
الغاليه اظني في وحده من الخوات كانت حاطه الطريقه بالتفصيل
بس جوفي بقولج اللي انا اسويه ،،، بالنسبه للعجينه فهي عجينه العشر دقائق (بتلاقين الطريقه بالتفصيل مثبته في المنتدى)
وبعدين اتقصقصين العجينه دواير وتضغطين باصبعج قطعه جبنه وتردين اتكورينها وعلشان ما تتعبين تحيطن زيت براحه ايدج واتصفين الكور في صينيه فرن مدهونه بزيت وشويه طحين وضروري اتخلين مسافه بين الكور لان العيينه تكبر وهي تستوي ويلزقون مع بعض ويصيرون شرات خليه النحل ،،،
سامحيني خويتي بس ما عرف اشرح زين هاللي قدرت عليه ،،،
بامكانج تفتحين جوجل وتكتبين وصفه خليه النحل بالتفصيل وعلى طول بيطلعلج واااايد نتايج بالصور ،،،
3 كاس صحين كويتي او طحين رقم 1 منخووول
يعني (1 جيله قياس قوطي سميد ""خبيص"" )
فنجان سكر
3 ملعقة حليب بودره مليانه
ذرة ملح
بيالة شاي زيت ( كوب الشاي)
كاس ماء
ملعقة طعام خميره فورية
اخلطي كل المقادير ماعدا الطحين بمشبك يدوي لين اذوب خميره و شكر ونيدو
وعقب ضيفي الطحين
اذا لصقت وياج ضيفي شوي زيت
انا خليتها تتخمر بس ربع ساعه
هذي بالصور نحشيها جبن كيري مقطع صغار
و بعد ماتخلصين حشي امسحي الويه بالحليب او بيض و سمسم و حبه البركه
اسقيها يوم تكون حاره عسل بارد او شيره بارده
ثانكس والله حباااااااااااااااااايبي ماقصرتوا
فديتكم والله
