كم مرة قلنا …..يالله بالسبت ببدا رجيم…بس ما حددنا اي سبت فالسنة وكل اسبوع نقول الاسبوع الياي………..بس يا السبت ونحن على نفس الحالة..
شو ناقصنا….
جد فكرتوا….
اللي ناقصنا….
الارادة من القلب
واااايد منا يعاني من السمنة والوزن الزايد ونقول بنسوي رجيم خلاص ….بس ما نقدر …
والله انا عن نفسي واكون فخورة اني اضرب المثل فنفسي لان انا من هالنوع…دايما اقول بسوي رجيم بس الارادة مش موووجودة…
ولكن خلاص…. زواج واتزوجنا….متن وانتفخنا…. وعيال وبعدنا ما يبت بسبب
السمنة الزايدة…
هدفي راح يكون خلااااااااااااااااص من 1/06/ وراح يصادف يوم الاحد…
لغاية 31/12/ اذا شاء رب العالمين وعشنا لها اليوم ….
رجيم مب قاسي عشان ما اتعرض لاي اعراض جانبية/ما راح يكون في اي تدخل لاي دوا سواءا ريدكتيل/فايتوشوب او اي شي…………..
3 وجبات خفيفة جدا كل يوم وما راح يكون في اي بريك او راحة فاي يوم من الاسبوع
رياضة يوميا ومشي كل 3 ايام فالاسبوع على حسب ظروفي…
حركة دايمة وماااااااااااشي اعتماد على الخدم ( الحمدلله اصلن ما عندي )
وهدفي من الوزن اللي انا فيه …………….خسارة ما يقارب 40 كيلو انشالله
وباذن الله راااااح ابدا …………………
دعوووووووووووووووووووووووووووووووووووواتكم…….. .. وبسنا متن صراحة ارف ولا شي يي عقياسنا وتعب من الاقسام المتان فالمحلات لان ما في شي حلو………..
تحياتي ادري ارمس وايد
بس شو اسوي هالمتان يرمسون وايييد
خخخخخخخخخخخخخخخخخخخخخخخخخخخخ
لو تبدين من باجر أحسن .. تستغلين يومين 30 و 31 مايو …
الله يوفقج وإن شاء الله تضعفين وانتي بصحه وعافيه
اتعرفين دلائل الاراده الضعيفه اشوووو .؟؟ انج ما تبدين فنفس اليوم …قولى ببدا من اليوم اشحقه اماخره الموضوع الين الاحد الياي …او ع الاقل ابدى من باجـــــــــــــــــــــر خففي عسب يوم الاحد تلتزمين التزام تام …وبالتوفيق انشاءالله
المشاركة الأصلية كتبت بواسطة Roma eyes 
الله يوفقج وإن شاء الله تضعفين وانتي بصحه وعافيه
تسلمين حبوبة انا متفائلة بتاريخ 1/6/ وادعي لي ما فرقت يومين ادري بس انا من اسبوع مخففة الاكل وبالاحد بيبدا الشغل الجاااااااااااااااامد
ادعي لي
المشاركة الأصلية كتبت بواسطة في قلبه حبوبة انا بداية من اسبوع تخفيف فالاكل وانشالله رجيم بداية الاسبوع الياي مجرد فواكة – خضروات وعصاير
شجعني ارجوج 
المشاركة الأصلية كتبت بواسطة awashy ادعي لي
الله يوفقج
انتي بتسوين رجيم مهره الحمادي……؟؟؟
الله يوفقج اختي
أحب بس اخبرج عن معلومه خبرتني عنها
خبيرة التغذيه اللي أسير لها:
الأفضل تناول خمس وجبات بدال ثلاث
يعني: ريوق – وجبه خفيفه – غداء – وجبه خفيفه – عشاء
أهمية الوجبه الخفيفه ان عملية حرق السعرات الحرارية
تكون نشيطه لكن لو ما كلتي بين الغداء والعشا شي، عملية
الحرق بتكون بطيئة
وترومين تاكلين في الوجبه الخفيفه : حبة فاكهة أو روب قليل الدسم
وعلى فكره ما بتحسين باليوع وااايد وهالشي أنا مجربتنه
أحيانا لوووووووو حسيت باليوع أشرب ماي
أهم شي ما نحط في بالنا اننا لازم نخف وايد في فترة بسيطه
لأن الوزن بيرد شرات قبل وهالشي أنا للأسف يربته
ان شاء الله نضعف واحنا بصحة وعافيه