السلام عليكم
انا مالجه من فتره وبغيت استشيركم بموضوع المصروف
انا الحمدلله ريلي يعطيني مصروفي بأيدي ويالله يكفيني لمصرروف الجامعه والبترول والجمعيه والخ…
المشكله اني اذ بغيت افصل عبي للجامعه او اخذ فستان لعرس احد ما اطلب منه ابداوادفع من مصروفي وهو بعد مايسألني ابدا اذ ناقصني شي ولا ف استحي اطلب منه اي شي 
(
واذ بتقولون ليش ماطلب من اهلي ماباهم يحسون ان هو مقصر وياي بشي
ابا طريقه اني اوصل له بدون ما اقول له ان مصروفي شي ثاني وان لازم يعطيني مبلغ ثاني للعبي مثلا او اذ كان عندنا مناسبه
تمت الموافقة
اختي الحياة مو كلها فلوس بعدين انتي مالجة
يعني في ناس يصرفوا على حريمهم وناس لا
ودامج مالجه يمكن مايعطيج عسب امور وترتيبات الزواج
يعني لازم شوي تتفهمي وضعه
والريال متى نقول له اصرف ونحاسبه لما تكون الحرمه في بيت ريلها
يعني لاتجعلي هالموضوع مشكلة لاني اجوف الوضع عادي
دامج عند اهلج يصرفون عليج ولما تكوني في بيته يصرف عليج من الالف للياء
موفقة
عادي الشي حبيبتي المتعارف عندنا ان الريال يصرف ع حرمته في بيته ويوم في بيت أهلها يعطيها مصروف اللي يسدها دامج في بيت أهلج مافيها شي طلبي من أهلج يوم بتسيرين بيته ان شاء الله ما بخلي عليج قاصر .
الله يهديج اول مرة اسمع انه مالجين ويصرف عليج … هو الي عليه في أيام الملجه هدايا ومعاش شهري .. واتحملي اتقوليله بيقول وين أهلها هاي … بياخد فكرة عنج وعن اهلج. .. اصرفي من المهر شو تترين … وانت تتزهبين بالمرة فصلي عبي زيادة … وما يحتاي اهلج يصرفون بعد خلاص عندج مهر …
نحن عندنا الحرمة ريلها يصرف عليها دام مالجين وصارت حرمته
يوم تبين تشترين مثلا حاولي تسيرين وياه عسب يحس ولو تحسينه ما يقدر ان يشتريلج مثلا تسلفي من ربيعتج وخلاص
توج مالجه .. تبين بيزات الفساتين وعبي الجامعه عليه
حرام عليج
الريال يعطيج مصروف خاص فيج ما يسدج مشكلتج
الا مالجين يعني
ريلي سالني عن مصروفي ايام الملجه مع انه وحليله ما كان يشتغل بس قلت له مابا
دامج بيت ابوج للحين هم اللي ملزومين فيج وريلج بس يعطيج مصروفج مب مصروف اعراس ناس ثانيه
بالتوفيق ومبروك
المشاركة الأصلية كتبت بواسطة المراقبة العامة 
اختي الحياة مو كلها فلوس بعدين انتي مالجة
يعني في ناس يصرفوا على حريمهم وناس لا
ودامج مالجه يمكن مايعطيج عسب امور وترتيبات الزواج
يعني لازم شوي تتفهمي وضعه
والريال متى نقول له اصرف ونحاسبه لما تكون الحرمه في بيت ريلها
يعني لاتجعلي هالموضوع مشكلة لاني اجوف الوضع عادي
دامج عند اهلج يصرفون عليج ولما تكوني في بيته يصرف عليج من الالف للياء
موفقة