الموضوع من العنوان عاد احنا مب مقصرات بالصبغات بالنسبه لي اخر صبغه صدق احرقت شعري وتلعوزت والشعرات البيضاء تطلعي في القصه والمفارق شكلها قبيح حتي ريلي ايقولي شو هالشعر الابيض
مادري والله عيزت من الصبغات بنات منو عندها حل ؟ ومن جربن وصفه معينه ياليت اتفيدونا واكون لكم شاكرة:22 (6):
انا مثلج خبرونا اللي عندها الحل
عزيزتي جربي زيت الخردل بتحصلينه بالجمعيه ……. يقولون انه يخلي الشعر الابيض اسود هذا اذا داومتي عليه ….. استخدميه قبل لا تنامين ويوميا ، وحطيه عالشعرات البيضه وبتظهر النتيجه بعد اسبوعين او ثلاث اسابيع …
صدقوني مافي حل غير الصبغه او الحناء…
الله المستعان يعني بنرجع للصبغه ياقلبي
بس حبيت أفيدج وأساعدج :13 (45):
الحل لشيب الشعر عندي
تفضلوا الحل
وهذا الدواء العشبي يسمونه "هليله سوداء" (هليلج أسود)
اما طريقة استخدامه فهي كالآتي :
تاخذين 5 – 7 حبات هليلة سوداء وتنقعينهم في في ماء قبل ما تنامين بالليل … ولما تقعدين الصبح تشربين الماء وحبات الهليلة السوداء على الريق وبعده بنصف ساعة
لازم تداومين على هالطريقة يوميا ولا تقطعين عن هالدواء الى مدة لا تقل عن جم شهر ( يعني استخدمية لمدة لا تقل عن 6 اشهر يعني على حسب الفايدة اللي تحصلينها )
وحتى لو حصلتي النتيجة واختفى الشيب لازم ما تقطعينه يعني استخدميه مرة في الأسبوع على الأقل
الدواء مر وطعمه مو حلو بس مع الوقت بتتعودين عليه…
وإن شاء الله يجيب فايدة
وأكيد انه يجيب فايده
لأن وحدة من أهلي جربته وقالت صج وأكدت انه فيه فايدة وتخلصت من الشيب نهائيا
وهذا رد وحده من الخوات على صاحبة الموضوع:
مرحبا عزيزتي
والله انا سمعت ان الهليلج الاسود يرجع لون شعرك الى اللون الطبيعي
باخذ 6 حبات من الهليلج تطحنينه طحنا خشنا ثم تنقعينه في نص كأس من الماء
طول الليل وتشربين المزيج في الصباح على الريق
وهذه العملية مضمونة بس يبيلها صبر وحدة جربت وحصلت على العلاج
اليك صورة الهليلج
تقبلي شكري وتقديري
ام عدول
بس مثل ما قلت في البداية انا ما يرّبت هالطريقة .. يعني مب متاكده منها .. بس نقلتها عشان أفيدكم .gif "13 (30)")
مشكورة فديتج علي النقل بس فديتج انا عندي معدة ومعروف الهليله حارة علي المعدة واتعرفين عاد امنو عندها استعداد تشرب هالسوالف عسب خصلات خخخخ كفايه شكل الهليله ايزيغ
علي العمو مشكورة وماقصرتي واتعرفين هالوصفات ومثل ماقلتي كلها تجارب فرديه يعني ماندري مدي صحتها