خدامتي وزيادة الراتب

هلا خواتي
خدامتي مكملة عندي 4 سنوات وانا على كل عقد ازيدها 200 درهم غير ادوات النظافة وبطايق التليفون واللبس وهي بس وظيفتها تشوف الصغارية عندي شغاله ثانية للبيت

مانصحج ، ضيفي 200 وخلاص .. قوليلها ماقدر عندي مسووليه وغيري مايعطون وووو
رمسيها باسلوب حلو ودامها زينه لا تخسرينها ، موفقه عزيزتي

زيديها مب مشكلة
مب كل مرة تلقين خدامة زينه في حالة ما رضت
بس اقولج لا تشترين لها بطاقة ولا رصيد ولا شي اللهم لبسها و اكلها عليج فقط
انا جي اسوي الحين

غناتي احيد خدامتي الفلبينية اول ما يتني كان راتبها 750 درهم
الحينه عقب 8 سنوات تستلم 1500 مثل ما قلتي فيما يقارب 200 درهم على كل عقد .
بس انا الزيادة كانت عشوائية يعني بدون اتفاق مسبق معاها
عمرها ما تكلمت عن الفلوس نهاااااااائيا و انا ما اقصر معاها
راتبها تشتري منه كل اغراضها : بطاقة الفون و ادواتها الشخصية
اشتري لها ثياب واكشخها بدون حساب عادي من محلات غالية و عطور وتجي بس من فترة لفترة مب دوم
البيت بيتها وما اقصر معاها بشي .
بخليها تكمل سنة و بزيدها 100 هههههه عشان تطمع و تقعد المشكلة انه ريلي عليه التزامات و عندي خدامة غيرها
وريلي يدفع حق خدم ثانيين و هي مقدرة هالشي بس احاول اخليها هي مميزة عن الباقيين في كل شي في لبسها وراتبها وكل شي حتى لو شي بسيط بصراحة
اتفقي وياها انه الاغلبية راتبهم 1200 و عطيها 1300 مثلا وقولي لها على العقد اليديد بزيدج و تجي بس
ولا تعطينها شي ثاني غير الراب واللبس وبس

صج مو كل يوم يحصل الواحد خدامة زينة
زيديها الله اعلم لو بتيبين وحده ثانية تكلفج نفس الراتب وتقولين عندكم من اربع سنين يعني اولادج متعودين عليها والله اعلم لو اجتمكم وحده ثانية ما ترتاحون وياها

مدام هي زينه معاج ومع الصغاريه زيديها لأنه صعب تحصلين وحده زينه بس لاتشتريلها رصيد أما باقي الأغراض من لبس واغراض النظافه عليج

خواتي انا عندي مقدرة ازيدها بس اخاف اطمعها فيني واتم كل فترة تطالب بزيادة

احس صدقه ريلي نحن طمعناهم فينا