السلام عليكم …
عندي سؤال بخصوص ترتيب المائدة للضيوف:
حبيت اعرف إذا بغيت استخدم الصحن المدور اللي ينحط تحت
طقم الصحون للأكل ما دري عرفتوه ولا لا هو عادة يكون لونه ذهبي أو فضي.
هل اذا استخدمته احط الملاعق والسكاكين على جوانب الصحون يعني على الطاوله ولا
لازم احط فرش تحت الصحون والملاعق والسكاكين.
اتمنى انكم فهمتوا سؤالي
وشكرا
عزيزتي كوكو شانيل المفروض حبيبتي تحطين فرش مستطيل حلو و بسيط عشان ما يأخذ جمال صحونج تحتهم و تحطين الملعقة و الشوكة على اليمين و السكين على اليسار فوق الفرش عكس الاجانب لاننا نحن نأكل بيميننا
اكيد بتقولين حشا على سألت سؤال واحد ردت على عشرة!
شكرا الغالية أناناسه لانج تعبرين مواضيعي وتردين عليها .
بس اريد اقول إني انا دايما استخدم الفرش اللي تحت الصحون.
فهالمره خذت الصحن المدور الذهبي اللي ينحط تحت الصحون.
فهل إذا حطيته لازم يكون تحته فرش بعد ولا يكفي واحط الملعقه والشوكه والسكين
على الطاوله بدون فرش.
اتمنى انكم ما تتأخرون علي لأنه عندي عزومه مهمه.
ان شاء الله تستفيدي من الصور
مشكوره
أشكر الخوات اللي ردن على الموضوع واتمنى ان الاخت كوكو شانيل حصلت مبتغاها
اول شئ حبوبة لا شكر على الواجب و نحن اخوات و بعدا ماشاءاللة مشرفتنا ما قصرت بس انا لان عندي الطاولة زجاجية و ما احط مفرش عليها في كل الاحوال احط المفرش المستطيل بس راجعي الصور انشاءالله بتستفيدين