السلام عليكم
بنات عندي بنتي عمرها سنه وثلاث شهور لين أحين ما توجف بروحها ولا تمشي شو اسوي اخاف عليها
ساعدوني ارجوكم
بعض اليهال يتاخرون بس على حسب اذا كان عندج قبلها من اليهال قارني متى حبو او مشو
عادي حبيبتي …
مثل ما في أطفال يمشون بسرعه … بعد في أطفال يتأخرون في المشي …
في اطفال يطلع لهم اسنان وعمرهم ما شاء الله 4 وشفت وحدة سننت و عمرها 3 و نص
وبنت خالتي اول ضرس طلع لها عمرها سنة و نص …
و الياهل حتى عمر السنتين ما تقدرين تحكمين عليه ..
وان شاء الله بنتج ما عليها خوف … واذا تبين تتطمنين أكثر سألي الدكتورة … او سوي بحث في جوجل
ان شاء الله تشوفين بنتج تمشي و تفرحين فيها..
واسمحيلي ^^
فديتها ..لا تخافين كل ياهل خلال السنتين غير عن الثاني يعني أنا بنت أخوي كملت فوق سنتين ونص عقب رمست مسكينه أما خواتها في 10 شهور يرطنن ما شاء الله ..وبنتي ألحين عمرها 6 شهور و3 ايام وترمس شوي شوي ماشاء الله.. أببه.. أممممه.. أددددده ..بس ولد أخوي لين سنه مارمس ..حتى فالمشي كمل سنه وشهرين تقريبا عقب مشي عريله .الله يحفظهم ..بس حاولي تخبرين الدكتوره تفيدج أكثر ..
عادي ما تخافي ابني مشي على سنة و 3 شهور و كنت بسمع تعليقات من العالم و اللى أحلى شي كانو يقولولي الحق عليكي ما بتعلميه المشي بالله عليكم المشي بده تعليم لما يكون الطفل جاهز للمشي رح يمشي لوحده و عقبال ما تعمليله أحلى نثور
أنا بنتي مشت بعد السنه وثلاث شهور عادي الغاليه لا تخافي
الله يعطيها الصحه والعافيه
يزاكم الله خير ومشكورات على الردود والمرور