مرحبا خوااااتي
اريد ادخل بنتي حضانه هي عمرها ( ما شاء الله ) سنه وثمانية شهور بس انا خايفه عليها وبنفس الوقت اباها ادش حضانه بس كل ما اتذكر اني بتركها في الحضانه بين الأطفال والمدرسين بروحها وبسير عنها امووووووت من الخوف… خاصه ان بنتي تخاف من الناس لين الحين كل ما تشوف اي حد تصيح وما تباهم يقربون منها،، شووووو الحل؟؟؟؟؟؟
وديها عشان تتأقلم مع الاطفال والمدرسين ترى مب كل دراسة وأول الايام وايد بعورج قلبج بس مع الايام بتتعودين وهي بتتعود،أنا بدخل بنتي السنة الياية انشاالله
اذا انتي مضطره توكلي على الله واسألي عنها دوم
اما اذا انتي يالسه بالبيت لا اتودينها البيت اسلم وانظف لها
واقري الاذكار عليها ليل نهار
الله يحفظها لج 
الله يحفظها لج ان شاء الله
اذا مضطرة وديها..وان شاء الله هالخوف بيسير عنها لما بتتأقلم وبتستانس..بس اهم شي اختيارج للحضانة اللي انتي واثقة من اللي فيها
انا ولدي اول ما دخلته الحضانة …تم فترة اسبوعين او اكثر لما يرجع اقوله شو سويت فالحضانة يقولي اصيح أباج((فديته يكسر الخاطر)) ..بس لما سألت المس قالتي صاح اول يومين وبعدها اندمج ويا اليهال ما شاء الله عليه.. ((كان يقص علي حبيبي))
مرت اخوي اللي بكندا
ودت بنتها الحضانة من كملت سنتين ما شاء الله عليها
اول الايام صاحت
وعقب استانست وايـــــــــــــــــــــد وفرحانة بعد
وياخذوها من الصبه الساعة 8 لين 4 العصر
يلعبونهم يظهرونهم يرقدونهم، وما فيه احلى من الاجانب بتربية العيال، افضل منا بوايد
عندهم قوانين لحفظ حقوق الاطفال، والبنت متعلمة اجنبي ومع اخوي وحرمته اكيد يعلمونها عربي
ولد اخوي الثاني:اصغر من ولدي ب7 شهور ، امه مدخلته حضانة بريطانية والله انه شاطر يعرف الالوان الاحرف الارقام كله انجليزي الله يحفظه يعني شاطر ،لآن الروضة ممتازة بدرجة اولى
والحين بتدشش بنتها السنتين على بداية السنة
لآنها بتولد وعادي تقول الحضانة مش مقصرة معاهم
انا عيالي باذن الله بدخلهم الkg1 خاصة وشفتها رهيبة وروعة جداا، عندي ولد يدرس بحكومية بس بظهره منها ما ابيها
دخلناها انا وريلي اتخبلنا على نظامهم بس مش الحين ببداية شهر 9 الدراسة..
فانا اقولج البنت بتتعلم بالحضانة ودشي شوفيها بنفسج اوكي والا لا؟ اسالي عنها
ولا تخافين عليها صبري قلبج
والله نفس حالتي..بنتي كملت السنتين وكنت ناوية أدخلها قبل بس زايغة..وغير هذا ما حصلت حضانة زينة غير وحدة في الجميرا وحدة من الخوات هني كانت تمدحها بس المشكلة ما عندهم مواصلات..ولا زال البحث جار..وأبغي أني قدراتها لأنها ما شاء الله شطورة..الله يحفظها