السلام عليكم حبيباتي..
اول مرة اكتب في هالقسم وان شالله تقدرون تساعدوني في موضوعي يخص ربيعتي الروح بالروح
البنت تزوجت في سنه 2024 وكانت عايشة بخير ونعمة ويابت بنتين لين 2024 تقريبا، يوم تزوج الزوج عليها وحده ام 7 عيال وكبيرة!! مابي اذكر الحرمة كيف وشكلها وكل شي
في خلال زواجه من الثانية كانت تتصل الثانية في الاولى اللي هي صديقتي وتهديد وسب واللي منهوالاولى ساكته وماقالت شي وفوق كل ها الزوج يتصل ويضارب ، في خلال هاي الفترة طبعا كان ناسي الزوجه الاولى ولاهي في حياته اليديده
وفجأه صحا من رقاده في 2024 وتذكر انه عنده زوجه وبنات!! وبدت المحاكم والتوجيه الاسري بلافايدة! واخر شي حط بيت ايجار (اهل الاولى ماطلبو بيت وكانت البنت ساكنه عندهم ويا ريلها لنه هو كان يداوم في بوظبي)
بعد ماخذ بيت طبعا الزوج مايقدر يعيش مع الاولى دوم لنه عنده الثانية في بوظبي فكان اي حق الزوجة في اوقات نادرة خلال الاسبوع !! تم على هالحالة من عقب عيد رمضان لين شهر 12 من 2024 ، بدت الشكوك ع ولا شي وشو حجتهّ!! انا ماعرف شو تسوين يوم انا محد مع انه البنت اصلا عند اهلها يوم هو محد!! وهي تسوي كل شغل عيالها مع انها تداوم
ولين يومكم مشاكل وضرايب منه كل يوم!! ع هاي السالفة غير انه مرات يراقبها!! ، ربيعتي ماتبي الطلاق عشان بناتها وفي نفس الوقت ماتبي ضرايب ومشاكل كل يوم لدرجة انه حتى يحاسبها ع رقادها متى تنش ومتى ترقد!! واذا نشت من وقت ليش تنش متاخر!!!
وهو اصلا مش مفتكر دوم مسافر وياالثانية ومايطب عند الاولى خير شر الا مرة في الاسبوع!!
انا تعبت من نصايحي لنها ماقامت تفيد 
ماعرف شو اسوي او اقول لها، ربيعتي مش صغيرة وعاقلة
ولو ماعرف انها مظلومة والله جان ماكتبت !! بس كل شي جدامي يصير
الله يخليكم شورو علي شو اقولها!! وتبي تروح التوجيه الاسري ماتقدر لنه توها مداومة في مكانها اليديد وماتقدر تستاذن
يزاكم الله خير
اللهم اهدني
وسددني، اللهم إني أسألك الهدى والسداد
الله يعينها اكيد هييج تترس راسة عشان يطلقها كسرت خاطري ياحليلها بس التوجيه الاسري هو الحل الصح بيبونه غصب عنه وبيبن تقصيرة
الله يهديه انشالله
الله يفرج همها يارب
ويهدي ريلها لها
الله يهديه
لازم الاهل يتدخلون ويحطون حد لهالمشاكل
هي مظلومه ودعاء المظلوم مستجاااااب….تدعي الله في قيام وفي الصلوات انه يهدددديه ويرررده لها ردا جميلااااا
الشكوى ومشاااكل مامنها فاااايد…قلوب البشر بيد الرحمن يقلبها كيف يشااااء عليها بالدعاااااء