مرحباً .. كيفكن وحشتوني ..
عندي سؤال شوي محرج .. مب وايد محرج بس شوي ..
المهم .. في أي وحدة لما تروح الحمام – الله يعزكم – ينزل منها براز لونه أسود ..؟؟؟؟…
أنا دورت ب جوجل طلع من تأثير فيتامنيات اللي فيها حديد .
بعد كاتبين احتمال نزيف امعاء وخرابيط وايد تزيغ ..
كذا مرة استوت هالحركة يعني .. قلنا بنطنش مرة مرتين مب كل مرة العيد عااااااد ..
فهل هالشي طبيعي وإلا لا ؟؟
ولو طبيعي كل وحدة تكتب لي كم حبة تاخذ وأي وقت .. بالضبط .. لأنه من يومين صايمة وخذتها عقب الفطور وبالباجر خذتها الظهر يعني أقل من 19 ساعة بينهم ..فيمكن عشان جي ..
فلو سمحتوا يعني جاوبوني .. مع الشكر الجزيل خواتي
وأدري انكم ما بتقصروووون .
فديتج عادي انا مثلج بضبط اخذ حبوب حديد حبه الصبح والظهر حبه من الفيتامين لاني ضغطي نازل ودكتوره وصفتن لي الله يعينج و يعيني بعد
المشاركة الأصلية كتبت بواسطة وردتبسم 
مرحباً اختي .. تسلمين ع الرد
يعني هالشي طبيعي صح .. مب خرابيط نزيف وغيره .
انشالله الله يعين الجميع حبوبة .. وتسلمين
اظن عادي انا من بديت اخذ حبوب الفيتامينات جذه استوابي وكنت متروعه بس قمت اشرب عصاير وماي وايد بعد لانه يمشي البطن شوي
ممم ما قدر استوالي جيه من قبل او اني ما لاحظت بس انا من زمان قاطعت الحديد من العيازه خخخخ
بس اشرب فيتامينات وكالسيوم واحد الليل والثاني الظهر
وقبل يوم اخذ حديد وفوليك اسيد ككان شوي اييني امساك الله يكرمج
بس مادري والله وان شاء الله مافيج شي .. بعدي هالوسواس ولا سألي دكتوورة حبيبتي
انا الحديد سبب لي امساك وانتفاخ وبهذلني وتركته من نفسي
وفعلا الحديد يسوي البرا اسود
مكتوب على اليبل الي مع الدوا انه من احد اثاره تغيير لون البراز للاسود.