مرحبا خواتي
بصراحة انا عندي حمييات وايد ساكنين فنفس البيت حتى المتزوجات اكثر الوقت معنا و البيت مش كبير
المهم وحدة منهن متطلقة و عنها عيال و بصراحة هي غيورة و تبى ريلي يتم نفس اول وياها يخدمها و يوديها هي و عيالها و بصراحة تعبت و اتضايق منها يوم تتصل من الصبح و احنا رقود تريد شي منا و دومها فاضية و تبى تعرف عنا معلومات
وصارت وايد مشاكل مع ريلي أ،ا اريده يفهم انه لازم يكون في عدل و انه وقته و جهده المفروض لنا و يخدمهم بقياس
بصراحة خواتي انا ندمانة انه تزوجت واحد عنده مسؤوليلت مع اهله و بصراحة ابى الطلاق ؟
شو رايكم وو بشو تنصحوني؟
استهدي يالله
ما توصل للطلاق
واخته خليه يخبرها انها ما تدق عليه باي وقت
الله يهديهن خواته
اهوا ريال ويعرف هالاشياء مب يمشي على امرهم
استهدي الغاليه وما توصل الامور للطلاق
واعرفي ان ابغض الحلال عند الله الطلاق
على كل حال الغاليه اتفامي مع ريلج في هالموضوع
وانشاء الله يحصل حل
وانا من رايي انت لا تدخلين في هالموضوع عشان ما يصير خلافات كبيره من بينكم
وانا دايما افضل انكم تظهرون من البيت
واتعيشون في مكان بروحكم
انا اقول اتعوذي من ابليس
ولاتفكرين بالطلاق
حاولي انج تقنعينه انه يطلع في بيت بروحه ويستقل بحياته عن اهله
طلاق مرة وحدة !!
انزين كلمي الحرمة المطلقة انها تفهم ان انتو تزوجتو ..
يعني خلاص .. الزواج بروحه مسؤوليات..
او انتي كلمي ريلج انج تبين بيت بروحج. وبعدين تفهمينه ان الزواج بعد مسؤوليات
وبتكونون على راحتكم في البيت بروحكم
الله يعينج يالغالية ..
وان شاء الله خير ..
انا مب متزوجه
بس اللي مافيه خير لاهله مافيه خير لناس وهاي اخته وانتي قلتي مطلقه يعني اكيد اتعاني اتحمليها شوي واكسبي الاجر
بسالج سوال : ريلج مقصر فحقج من اي ناحيه ؟؟؟
اذا لا فليش معقده الامور وموصلتنها لطلاق غيرج اتعاني من مصايب اكبر ومستحملين وساكتات القسم متروووس مشاكل .
اباج اتغيرين الادوااار انتي ولا حد من خواتج ولا امج يتكم ظرووف لا سمح الله لا سمح الله الله يبعد عنكم وبديتوا تعتمدون ع اخوكم المتزوج وهو بدا يتهرب او يتضايق
انتو شو بيكون شعوركم؟؟؟!!!!
واول شي بتقولون اكيد حرمته لاعبه بمخه
ترضين انتي يقولون عنج جيه ؟؟؟
حاولي بس انها ما تضايقكم في اوقات حرجه انه ريلج يعتذر او يخلي حد من اخوانه يسير بداله مراات
الله يديم المحبه بينكم ويبعد عنكم العين والحسد