السلام عليكم خواتي ومبروك عليكم الشهر ..
صراحه ما عرفت وين اعرض موضوعي بالقسم التربوي والا غيره
انا كان ولدي يدرس العام الماضي بمدرسة حموده النوذجيه وهو منتقل من السادس الى سابع
وحموده ما عندهم سابع يعني لازم يروح الغزالي او الصقور او الرواد
والمدرسه خيرتنا بالشي هذا انا عن نفسي اخترت الصقور لان اريح لي ولودي صحيح اني بالشهامه ويكن تقولون ان الروا في بني ياس اقرب بس انا مالي علاقه مع بني يعني ما ادلها خير شي وبعدين انا اللي بتكفل في مواصلات ولدي بعني ماريد مواصلات .. وقلت للمرسه اني انا بنفسي باخذ ملفه وبنقله من حمده للصقور بس هم شو ردوا علي قالوا لا اصلا احنا اللي بننقل الملفات لان كل الطلاب لازم ينتقلون ونحن نخيرهم ونتابع موضوعهم .. واللي حصل خواتي ان ولدي سار اول يوم عساس نحن اخترنا مدرسة الصقور وتفاجأ ان اسمه مش موجود من ضمن اللسته .. وحليله سار عند استاذ استاذ يدور اسمه وكل استاذ يقول له راجع الاداره .. اخر شي اتصل الولد فيني خبرني .. وعاد انا لين ما اطلع من الدوام واسير له واعدي الزحمه الا مستوي الظهر .. المهم يوم سرت قالوا هاي المشكله من مدرسه حموده هم قالوا لنا بس 16 طالب رح ايوون الصقور ويوم وصل الكشف بالاسماء فو 26 طالب
وطبعا المدرسة تفاجأت لان مش مرتبه على 26 طالب يعني ما شي شواغر وصايره خبصه بتوزيعات الطلاب اللي مودينه الغزالي واللي مودينه الرواد .. عاد الصقور قالوا لي لازم ولدج ايداوم بالرواد ويستلم الكتب من عندهم لين ما تنحل المشكله ونخاطب المنطقه .. المهم انا سرت الرواد وما ادلها تمييت احوووس بالشوارع انا وولديواسأل اي واحد يمر .. لين ما وصلت المدرسه الا مستوي الظهر .. المهم دخلت عند مساعد المدير اعتقد والله اعلم .. تخيلوا شو قال لي يوم عرضت عليه مشكلتي .. قال لي لو كنتي حابه ان ولدج يداوم في الصقور روحي الحين هاتيلنا ورقة لامانع منهم عسب يقدر يداوم عندهم .. وطلبت منه عالاقل يعطيه الكتب .. ومارضى قال الملف بعده ما وصل من الصقور كيف نعطيج الكتب .. انا سألت على اي اساس اييبونه الرواد قالوا المنطقه وزعتهم حسب المناطق .. كيف هالكلام وما خبرونا ؟!؟؟!؟؟! وبعدين انا ماريد مواصلات انا اللي بوصل ولدي يعني جنه ساكن عدال المدرسه هم مالهم دخل بالشي هذا لان اصلا الرواد ماش مواصلات للباهيه والشهامه وحتى الصقور بعد ماشي (انا اقصد الباصات الحكومه مش الخاصه) .. المهم طلعت من الرواد سرت بالسياره واتصلت لمدرسة الصقور قلت لهم شو صار بالموضوع ؟؟ قالوا بعد وفي في 15 طالب نفس حاتلة ولدج !!!!!!!! قلت له ان الرواد يبون ورقة لامانع منكم قال لي هاتي اخر شهاده له وتعالي !!!!!! المهم رجعت البيت وسرت الصقور وبعد في الزحمه وصلت وكانوا الطلاب سايرون على البيوت وحليله ولدي معاي متبهدل الهم عطيتهم الشهاده وقلت لهم شو الحين عن الولد وين يداوم ومن وين يستلم الكتب قالوا لي من الرواد ولا يداوم باجر عندنا لان وضعه رح يكون مثل اليوم وبني ياس مشوار عليكم والمشكله نحن ما نعرف بعدنا بالوضع شو رح يصير ؟؟؟؟ تخيلي خواتي ولدي احينه بالبيت ونتريا اتصال من المدرسه واتصل انا الصبح بهم اتابع الموضوع قالوا المنطقه تقول فتحوا شعبه بس دبروا مدرسين ؟!.!. كيف يعني دبروا مدرسين وليش من البدايه ما رتبتوا الوضع ؟؟؟؟؟؟؟ والدنيا رمضان والدوامات نص دوام وزحمه والواحد ما يقدر يقضي اشغاله نظرا لضيق الوقت ….
خبروني الحين شو الحل ؟؟!! انا ولدي رافض ان يداوم بالرواد واصلا مثل ما خبرتكم انا مالي علاقه ببني ياس وبعدين انا بتكفل بتوصل ولدي لدي جي ولا جي نازله نازله بوظبي لوامي …
الله يعينج ويسهل امورج وامور ولدج.. روحي اشتكي للمنطقة التعليمية على مدرسة حمودة اللي ملخبطين الدنيا او على الأقل اشرحي الموضوع لمدير المنطقة
ومبروك عليج الشهر
المشاركة الأصلية كتبت بواسطة بنت المها 
ومبروك عليج الشهر
مشكوره عالتفاعل الطيب