هلا خواتي
شخباركن
خواتي ركبولي مستشفى اجباري لولب لمدة خمس سنين لاني يبت اثنين ورا بعض بعمليات قيصريه
والرحم عندي ماتحمل فقالولي لازم خمس سنوات
قلتلهم اوكي وتقريبا كمل الين الحين اللولب وهو مركب 4 سنوات الا 3 شهور
المهم دوم هم كل ست اشهر يشيكو عليه .. وقالولي وضعه اوكي مافي اي شي
من فتره قريبه رحت المستشفى قالولي ان اللولب مايبين وسوا سونار وبين وقالو كل شي اوكي
الحين الدوره كملت عندي متاخره 16 يوم ماياتني الدوره والام غريبه في بطني ولوعة جبد
سويت فحص في البيت طلع في الفحص حامل
هني انصدمت كيف حامل واللولب؟؟ وين رااح!!
رحت لمستشفى خاص الدكتوره سوتلي كشف قالت الخيوط اللولب مايبين واللولب مو موجود
بسويلج سونار قلتلها اوكي اتضح ان اللولب دخل الرحم
حاولت انها اطلعه لكن مافي فايده
قلتلها شو الحل الحين
قالتلي في احتمالين يمكن يستوي عندج اسقاط وينزل مع السقط او الحمل يكتمل عندج وعند الولاده
يطلعوه … قلتلها هذا الحل النهائي قالتلي ماشي غيرهن
والحين والله ماادري خواتي شو اسوي حالتي النفسيه فوق تحت احاتي اقول يمكن ياثر عالجنين
في وحدة مرة بالحاله نفس حالتي ؟؟؟؟
دعواتكن لي خوااااتي
الله ييسر لج أمورج عورتي قلبي
اسمحيلي ماعندي فكره
ادعي ربج يفك عنج كربتج ويكتب لج اللي فيه الخير
آآمين يااارب
مشكووره غناتي
هيه والله في غير الدعاء
والله يرزق من يشاء
تسلمي غاليتي
نورت الموضوع
الله يعينج يا رب
حبيبتى انا سامعه عن حريم نفس حالتج ومنهوم خالتى ..
ترى اللولب بالسنه الاخيره يكون خلاص مايعطى نتايج مضمونه..
انا اختى نفسج حطولها لسبع سنين وبالسنه قبل الاخيره قالوا لها..
خلاص بنشيله لانه بيبدا مايعطى نتيجه…
على العموم..
توكلى على الله واخذى رايى اكثر من دكتوره..
انا خالتى حملت ويابت وكاهو ولدها ريال مافيه الا العافيه..
هالدكاتره ماوراااهوم غير التخريع ..
وعسى ربى يسهل عليج ومثل ماعطاج ييسر امرج باذن الله.