السلام عليكم ورحمة الله وبركاته
هلا خواتي ، شحالكن =)
لقيت حل لمشكلة القشرة ، وأدري هالموضوع مسبب أزمة لوايد ناس ، عسب جي حبيت أفيدكن ^^
هالطريقة أستخدمها بين فترة وفترة ، ومرات أنسى وما أذكرها إلا يوم أحس أنه فيه قشرة براسي ، سيده تخوز القشرة ، وأحس الفروة تستوي نظيييفه ع الأخيير ^^
لازم تسوين هالطريقة قبل ما تغسلين شعرج بنص ساعة ‘
أول شي خذي مقدار غطا أو 2 من خل التفاح
وضيفيه لكوبين ماي أو أقل أو ربع جيك ( وكل ما كان مركز أكثر كان أحسن )
نزلي راسج وجبي الماي اللي بخل التفاح عليه ودلكي وخليه يوصل لكامل فروة راسج
خليه نص ساعة
عقب استخدمي الشامبو عادي
وترومين تخلين الشطفة الأخيرة ماي وخل تفاح يعطيج لمعة لشعرج ^^
ومن خلال تجربتي لخل التفاح ، حسيت أنه :
يخوز القشرة
يلمع الشعر
ينعمه بشكل بسيط ( يعني إذا فيه تشابك بسيط يفككه )
ينظف الفروة من الخاطر
طبعاً اللي بتسألني عن الخل الأبيض العادي ياويلها لوول
لأني ما جربته ، ما جربت غير خل التفاح ^^
وأتمنى تدعولي أن ينبت الشعر براسي ويستوي كثيف وحبته ثقيلة ويوقف التساقط ‘
ما خليت شي ما جربته وخليط الزيت والثوم ريحته أتم ف الشعر أكثر عن أسبوعين، وأنا شعري من النوع اللي تلصق فيه الريحة ، ترست شعري شامبو ، بخرته ، حطيت مخمرية ، أستوت أكثر عن ريحة ، وكلهن تمن أكثر عن أسبوعين ههههه
حتى بخاخ Neoxidil جربته من حوالي 3 سنين ، وصح ظهرلي شعر يديد واستانست عليه بس من وقفته رد طاح اللي نبت بسبته ، وهالشي معروف لازم تستخدمينه طول عمرج لوول >> شو الفايده
بس إن شآء الله خلطة الزيوت والأعشاب اللي أستخدمها حالياًّ تنجح ، ومتحمممسه لها وايد وثقتي فيها كبييرة ، لأن اللي سواها له خبرة طويلة فهالمجال ، وناس وايد مجربينها وقف عندهم التساقط وطلع لهم شعر يديد واااو ^^
إن شاء الله إذا الله أراد ونجحت تجربتي بقولكم بالنتايج ، وباخذ للي تبي بعد 
، عشان أساعد البنات اللي متبهدلات ويا شعورهن مثلي >> أدري معاناه ><
بس أدعولي ^^
وأي سؤال أنا ف الخدمه 
مشكووووووووووووره الغلا
ان شا الله البنات يستفيدون من تجربتج ^_^
و ان شاء الله شعرج يستفيد من الخلطه اللي تستخدمينها و تفيدينا و ياج ^_^
آآآآآآآآآآآآمين يااارب
المشاركة الأصلية كتبت بواسطة مونتاج 
ان شا الله البنات يستفيدون من تجربتج ^_^
و ان شاء الله شعرج يستفيد من الخلطه اللي تستخدمينها و تفيدينا و ياج ^_^
آآآآآآآآآآآآمين يااارب
هلا أختي ، وربي أسعدني كلامج ^^
آمين يآ رب هذا اللي أتمناه 
تسلمين على مرورج الطيب حبوبه ^^
يزاج الله خير
المشاركة الأصلية كتبت بواسطة N.M.F.M
ويآج يا رب ، تسلمين على مرورج الطيب أختي ^^
جزاج الله خير أختي . وعن التساقط , لو مافي سبب طبي , خذيها نصيحة من أختج , عليج بالرقية الشرعية , الحمدلله فيها الشفاء بإذن الله ( عن تجربة شخصية )
المشاركة الأصلية كتبت بواسطة وجدان الفجر تسلمين ع النصيحة الطيبة أختي ، ويزاج الله خير ^^