السلام عليكم ….
الله يعطيج العافية مفسرتنا على جهودج الطيبة ..
حلمت اني كنت في غرفتي .. و كانت مختلفة و كانت خالتي – أمنه – مستلقية على سريري .. و كانت النافذة مفتوحة .. فانتبهت ان في رياييل بيخطفون و بيشوفونا .. فبسرعة رحت و سكرت النافذة .
ما اعرف ليش كنت أباً اسوي بيض .. و كان في باب بجانب النافذة ع أساس انه يوديني للمطبخ ..
فتحت الباب و كان المطبخ عود .. لكن انصدمت ان في الجهة المقابلة لي كان في باب و طلع من وراه
ريال ..ع طول سكرت الباب و استوعبت ان المطبخ مشترك بينا و بين جيرانا – مع ان من هذي الجهة بالواقع بيتنا مطل ع الشارع -المهم شوي و جانا طفل يقولي دخلي المطبخ محد بيدخل عليج .. و قال بعد ان الريال مطرشنه …
خلاف كنت أدلك ارجل أبوي هو قاعد فوق الكنبة و انا ع الارض و الريال اللي دش علي المطبخ كان موجود و جالس يسولف مع أبوي .. شوي و قال لأبوي ( ابغيك تيوزني -تزوجني -هاي العيوز )و كان يطالعني و مبتسم
يمزح معي .. أبوي ما رد عليه بس سمعه .. بعد ما راح الريال قال لي أبوي و هو فرحان و بعيونه دموع فرحة ( في الخطبة اباج تدشين و انتي رافعة راسج و لا يخلونج تشلين شي انتي بنت (اسم العائلة )
بعدين رحت لغرفتي للمطبخ و فتحت الباب اللي يودي لبيت الريال .. لكني تفاجأت بصديقة اختي (اسمها بعد أمنه ) تحضني و تسألني عن اخباري و كنت أفكر ان الريال اكيد يستوي الها و أخذت أحوط بالبيت كما لو انه لي …
تم حذف المعلومات بناء علي طلبك
خيرا نتلقاه و شرا نتوقاه
ان صدقت الرؤيا بشارة لك بالامان مما يقلقك و بشارة بالخطبه و
سعه في الرزق ان شاء الله و الله اعلم