السلام عليكم ورحمة الله وبركاته
مبارك عليكم الشهر وعساكم من عواده ان شاء الله
بلييز ابغي منكم مساعدتكم عندي مشكلة فحفلة الملجة و انا اول فرحة ابوي ومو عارفه شيء من الصفر الحفلة بإذن الله بتكون بعد العيد
عقبال كل البنات العزابيات وان شاء الله ماتخلص السنة الا وهي فبيت ريلها 
ابي اعرف متى اعرض الشبكة ومن هاي السوالف ومادري شو بعد يسوون في الملجة ؟؟؟
طرحت الموضوع لكسب الخبره وعشان الكل يستفيد
لاحظت ان تجهيزات الزواج مواضيعها كثيره لكن الملجة نادرا تلقي مواضيع لها رغم ان العروس تكون مرتبكة اكثر وقت الملجة
لأن غالبا تكون بروحها وتبي تستعد من بدري قبل لا ينتشر الخبر للناس اكيد عندكم خبره وتجارب وقصص و افكار شاركونا فيها
في ميزان حسناتكم 
واللي ماتعرف ترفع الموضوع وعسى الله يرفع قدرها دنيا وآخره
طبعا اول شيئ وين بسوون الملجه بالقاعه او في البيت اذا الحوش كبير سووا خيمه او طلبي بوفيه
وهم بيجهزون لج كل شيئ ويه الكراسي و الطاولات جوفي تقريبا عدد المعازيم وتكوني مجهزه توزيعات حلويات
الكوشه روحي اختاري الكوشه و المصوره وجهزي شو بتلبسين وحجزي المكياج و التسريحه و الاكسسواراتج او اللي بتلبسينه بالملجه
يوم بييون المعازيم بيتعشون بيخلصون خواتج او خوات المعرس يشلون الطقم يمرون على الحريم بيراوونهم الطقم يوم بيمرون بيخلصون يدخل المعرس يلبسج الطقم
تكوني مجهزه الزفه لج ولزوجج وتكوني حاجزه دي جي
و الكيكه اللي بتقصونها
ورحي الصالون تحني واعتني بويهج وجسمج لين حزه الملجه
وبس هذا اللي يحضرني ودعواتج
المشاركة الأصلية كتبت بواسطة جنان الفجيره 
وهم بيجهزون لج كل شيئ ويه الكراسي و الطاولات جوفي تقريبا عدد المعازيم وتكوني مجهزه توزيعات حلويات
الكوشه روحي اختاري الكوشه و المصوره وجهزي شو بتلبسين وحجزي المكياج و التسريحه و الاكسسواراتج او اللي بتلبسينه بالملجه
يوم بييون المعازيم بيتعشون بيخلصون خواتج او خوات المعرس يشلون الطقم يمرون على الحريم بيراوونهم الطقم يوم بيمرون بيخلصون يدخل المعرس يلبسج الطقم
تكوني مجهزه الزفه لج ولزوجج وتكوني حاجزه دي جي
و الكيكه اللي بتقصونها
ورحي الصالون تحني واعتني بويهج وجسمج لين حزه الملجه
وبس هذا اللي يحضرني ودعواتج
حبيبتي يزاج الله خير
الله يرزقج الزوج الصالح عاجل غير اجل ويسخره لج ويهنيج ويسعدج
هذي دعوة صاىم يارب استجيب