السلام عليكم
خواتي
ابغي اسجل ولدي عمره سنة و 3 شهور في حضانة مميزة و يهتمون باليهال
و يسألون عنهم و يكون عنده فعاليات حلوة
خاصة هو شوي دلوع و لصقة ومب اجتماعي 
ف ابغي نصايحكم و تجاربكم لو تكرمتوا خواتي
في عيمان او الشارجة فقط
الدانه او سمارت فعيمان
انشاء الله البنات يفيدونج
للرفع
أنصحج بالدانة عيالي فيها والحمدلله حابينها وتعلموا منها أشياء وايد ..
وكانوا دلوعين وخوافين وصياحين … صح للحين صياحين بس وايد تعلموا واستوا يسولفون والكل لاحظ ان شخصيتهم تغيرت..
بصراحة أنا دخلتهم من أربع شهور كان على أساس أدخلهم شهر واحد لان خداماتي كانت بتسافر والحمدلله لما لاحظت انهم استفادوا وحبوا المكان والفعاليات خليتهم ..
بخبرج عن فعاليات الأسبوع الماضي ..
كان عندهم يوم الشراء ( شوبينج دي) ودوهم الجمعية وخلوهم يشترون
وكان عندهم بيجامة دي ( لازم يلبسون بيجامة)
وسوولهم يوم الشواء ( باربكيو دي )
طبعا غير تعليم الالوان والحروف وقصار السور .
تقدرين تشوفين حسابهم في الفيس بوك أو اتابعينهم في الانستغرام ( سلسلة حضانات الدانة ) وعندهم افرع في كل اماره ..
حضانه الدانه وين؟
حضانة النحله الطنانه وايد يمدحونها فالشارجه