حسبي الله ونعم الوكيل من ريلي وحبيبته

ماعرف من وين أبدء مشكلتي أنا معرسة من أربع سنين وسالفتي ويه ريلي بدت من ثلاث سنوات وعندي بنت عمرها ثلاث سنوات ,,من ثلاث سنين أكتشفت أنه ريلي يخوني ويه وحده وصل معاها لمرحلة الزنا وأخواني عارفين ولاتحركت فيهم شعره ويقولون لي خلي عنج الدلع وريال مايعيبه شيء تعرف على بنت وها بنت ماكله عقله مايصرف على إلي بشح بس عليها يطلع الدلع بكل أنواعه مايرد بيت إلي ويه الفجر ولو رد لازم هي على الخط يخاف أنه تخونه المهم وصلت لي رقمها ودقيت لها وكلمتها بأحترام ردت على بكل قلة أدب مب مشكلتي لو ريلج عايفنج وأنقلعي أنا أنصدمت من وقاحة ها البنت وبعدها بساعتين ياني ريلي وماسك تلفون وهو يكلمها ويصارخ لاتخليني وماعرف شو يه عندي وقال لي ياكلبه وماعرف شو بس عشان ماتخليه وقال لي لو دقيتي على ر قمها مره ثانيه أعتبري عمرج ميته أنا من بعدها ياني أكتئاب والله لا أكل ولا أشرب وحالتي حاله والي زايدني برودة أخواني ماكني أختهم عندي ربيعه من نفس بلادها قلت لها السالفه كلها قلات لي عطيني رقم البنت وأنا بعرف هي بنت مين وبنكلم أهلها عطيتها الرقم وعرفت هي بنت مين قالت لي هاي وحده أغسلي أيدج منها معروفه عندنا أنها ترابع مواطنين بس عندها أخ يخاف الله خلينا ندق ونخبره قلت لها أوكي دقينا على أخوها وربيعتي رمسته بلغتهم عشان يعرف أنه في مجال أخته تنفضح لانه الي تكلمه من بلده وتعرفه قالت له اختك ترابع واحد معرس ولاحقته ومب مخليته وأنت ريال كيف ترضي أختك تسوي جي المهم عصب وقال أنا بربيها ,,بنفس اليوم رد ريلي الصبح وحالته حاله ويصيح بعد كنه حد ميت له رحت الحجره وخليته بصاله أسمعه يكلمهها ويصارخ ويقول أنا بتزوجج شردي وياي وبدل الفون غلي أخذه بيب لج غيره ولي فهمته من صراخه وحالته أنه حبيبت قلب تكسرة من ضرب ومانعينها من طلعه بعدها تمت وياه وكملت لمه أنفك عنها حظر التجول وريلي راضاها بعقد الماس وأناا عمره ماياب لي خاتم ذهب بعدها بخمس شهور ريلي أنحبس أخو بنت أشتكي عليه لأنه مرابط قدام باب بيتهم ومب راضي يروح ويضرب حبيبة قلب لا جافها طالعه أخو بنت تنازل عقب ما أخوان ريلي وعيال عمه راحو لي أخوها وترجوه حتي أمه ترجت أخو البنت طلع ريلي ورد البيت سوري قصدي رد الفندق لانه يتحرى البيت فندق لبس وتكشخ وتبخر وخد أخوانه راحو يخطبو البنت راح وهو وكل إلي راحو وياه أنطردو من أخو البنت و قال لو رديت قربت من الحاره برد اشتكي وهاي أنساها وأنا بسفرها بس أدبر لها فلوس تذكرة ..والله دعيت لي أخوها واقف وياي ولا راضي يزوج أخته مع أنه ريلي يغريه بفلوس وأخواني واحد منهم كان وياه يوم سار يخطب أنا قلت لي أمي خلنا نعطي أخوها فلوس تذكرتها وخله يسفرها بس ربيعتي قالت هاي اصلا بتلقاها فرصه وريلج أكيد بيردها وساعتها محد بيندم غيرج والله صايرة لي وايد مواقف معاه ماقدر أقولها ريال مايقرب مني من سنه وشيء مع أني مهتمه بعمري قالو لي ساحرته ماخليت قران وماقريت عليه ماشيء فايده لاحد يقولي تعدلي له الله يخليكم لأنه هذا واحد حبيبته مشبعته خلاص ابكي ليل نهار وأنا أجوف مسجات إلي بينهم ومب حاط لي قيمة حتي مخلي تلفونه بلا باس يعين مب فارقه وياه اعرف ولا ماعرف ,, شو الحل وياه والله أني تعبت ولا أقدر أطلق لأنه ساعتها أخواني بيتبرون مني ولا تقولو لي سويله طاف لأنه مالها حق تتمتع بريلي وانا مسويلي طاف والله قلبي محروق سمحولي أدري رمستي ماتنفهم من الحره إلي فيني ابه حل يبعد ها البنت عن ريلي بشكل نهائي ماكملت العشرين وكل حياتي مصايب ساعات أتمني أني مت ولا أخدته من يوم ماخدته ماجفت ولايوم عدل

للاسف ريلج مايخاف الله ويرتكب اكبر المعاصي .. صدقيني بييي يوم ويندم اشد الندم ؟

اصلا كيف يعرس على وحده صايعه ضايعه ؟؟ ومرخصه عمرها زنا وقلة حياء ؟؟.. كيف يبا باجر ييب منها عيال وتربيهم ؟؟

اكيد بيتربون على امهم وافعالها الخايسه ؟؟