السلام عليكم ..
خواتي ..أبغي الافادة منكن يزاكن الله خير ..
انا دخلت التاسع من كم يوم ..وعندي سكر حمل ..في آخر زيارة لي للطبيبة قالت لي ان حجم البيبي 3وشويه وقات احتمال انه يزيزد بسبب السكر ..
ومرة يقولون لي الماي زايد ومرة عادي ..وهالشي يخوفني بصراحة ..
انا قد ما اقدر قاعدة امشي ع الدايت عشان ما يزيد وزن البيبي ..والحمد لله ان وزني ثابت تقريبا مازاد إلا شي بسيط من دخلت السابع ..
بس خايفه يزيد وزن البيبي …؟ فيدوني ..كم لازم يكون حجم البيبي تقريبا وهل في خطورة ؟
وبالنسبة للاناناس والرطب او التمر سمعت انه مفيد ..فهل تنصحوني اني اخذه خاصة ان عندي سكر ..؟
انا بعد فيني سكر الحمل ……………………. وابي اعرف
ماعرف شي عن السكر بس الافضل انه تسالين دكتورتج هي بتفيدج اكثر
وزن البيبي في التاسع يكون بين 2 ونص لين 3 ونص تقريباً ويختلف من وحدة لوحدة
وإذا أنتي ماشية عالديت اتوقع يكون طبيعي إن شاءالله
ولا تكثرين من التمر والأناناس لآنه فيهم نسبة سكر
اشربي ماي زمزم مقراي عليه واتوكلي عالله
الله يسهل عليج
يقولون حده 4 واذا زاد يضطرون يسون لج عمليه لنه صعب يطلع طبيعي
ربي يسهل عليج
والله اعرف وحدة ضعيفة واول ياهل لها 4 كيلو ونص ماشاء الله
وبدون خياطه
يعني ماعليج لا تخافين وايد بيسوون لج خياطة وربي بيسهل عليج
بس انتي امشي على الدايت وفي نفس الوقت غذي عمرج بالمفيد
وابتعدي عن النشويات والكربوهيدرات
المشاركة الأصلية كتبت بواسطة MAMAT MAHR 