هلا وغلا يا بنات المنتدى ..
والله من زمان ما شاركت بموضوع يديد،، بس دوم أشارك بمواضيعكن وأدعي لكل وحدة تأخر حملها وكل حامل الله يثبت حملها ويقومها بالسلامة…
اليوم عندي استفسار وياريت إلي عندها الإجابة ما تبخل علي،، وإلي ما عندها خلفية بالموضوع ع الأقل تدعيلي بدعوة حلوة …
سؤالي هو: كم لازم يكون حجم البويضة بعد إبر التنشيط؟؟!!!!
أنا خذت 6 إبر لين الحين والعدد ما بين 7 أو 10 والحجم صغيير على كلام الدكتورة، والمفروض عمليتي عقب أسبوع "التلقيح المجهري" بس ليش برايكن الحجم صغير !!!
أنا بصراحة ما قدرت أسأل الدكتورة من كثر ما كانت مشغولة ومستعيلة !!!!
بس هي زادت الجرعة من 100 إلى 150ملجم .. لمدة 6 أيام بعد وبتشوف !!
بليز بنات جاوبوني !!! وإلي عندها خبرة عمليات تلقيح وأنابيب أو إبر تنشيط بليز ترد علي بأسرع وقت.. والله على أعصابي.. وخااااااااايفة تسويلي العملية وما تنجح بسبه الحجم؟؟!!!!
بانتظار ردودكن أو ع الأقل دعواتكن
رب لا تذرني فرداً وأنت خير الوارثين
احتمال كبير تكبر مع زياده الجرعه ربي يسهلج وتحملين وعليج بالدعاء .:.
مشكورة أختي شموخ ع ردج والله يسمع منج يااارب..
بس أبغي أعرف ليش الحجم صغيييير.. أنا بعدني صغيرة يعني لازم المبايض تكون نشيطة وعددها وحجمها اوكي صح ولا أنا غلطانة في المعلومة؟؟!!!!
أختي ألي أعرفهم تموا يآخذون تقريبا 5 إبر لمدة أسبوعين،،،،
يارب ياكريم يا رحيم يا فتاح يا رزاق إرزقني ورزق إختي سارونه الحلوه و كل خواتي المسلمات عاجلا غير اجل بالذرية الصالحة السوية أمين يا أرحم الأرحمين
أسماء .. مشكورة ع المرور، وأنا بعد نفس الشي أسبوعين بس الحجم يؤثر!!!!!
أم أحمد .. مشكورة الغالية ع الدعوة ، في ميزان حسناتج إن شاء الله
فديتج حبيبتي
والله ماعندي فكره عن الحجم
واللي أعرفه كلي أناناس فرش الصبح هي اللي تكبر البويضات وعصير عنب