السلام عليكم ورحمة الله وبركاته ..
بصراحه احترت الين نزلت الموضوع والسبب مب من عادتي انزل صور حجرتي
هذي الحجره بكل الي فيها اختيار اخوويه فديته ^^ ..
بس بصراحه احين اعاني من الديكور الي بصراحه مايناسب حجرتي خص انه بسرعه يتااثر بالماي ويوم طاح المطر اخر مره دخل داخل فخرب وايد الديكور وبغيت رايكم وشو تنصحوني اسوي غير الديكور
وهاي صورة حجرتي[ لا تطالعون تحت السرير هههههههه اسرار ]
^^ الحجره مب مرتبه كانت يوم صورتها اسمحولي
وشو راايكم بالحجره وشو يبالها تعديل ..؟
والسموحه
هالاستايل من الاثاث يبالة موكيت افرشي الحجرة موكيت .. و قبل ما أتسوين اي شي عالجي مشكلة الماي اللي ايي من المطر …و ع الفكرة الاثاث وايد حلو بس يباله تبرزينه …يعني غيري في ألوان ديكور الغرفة و ألعبي بالإضاءة
يعني بدال الديكور البني الغامق و المقلم دخلي لون الديرتي روز و حلو تاخذين رسمة ورق الجدران نفس الرسمه الي على راس و نهاية السرير اقصد النقش الخشب او نفس تنجيد كرسي التسريحه و مع اللوح و البراويز و اتغيرين الستارة لمخمل مع ديزاين ناعم بتطلع روووووعه
لفت نظري انه حاطه مكيفين ومروحه ..لها الدرجه تحبين البرد
اختي يبالج تغيرين الكفر يباله لون غير عن اللون اللي حاطتنه عشان يبان السرير عدل وحطي زوالي تحت ع الارضيات ويبالج كراسي عدال الدريشه وبراويز ع اليدار لانه الغرفه جي فاضيه ع اليدار ممكن تاخذين ابجورات طوال..وغيري ابجوراتج الصغار لونهم مب واضح خذي شي ملفت اكثر لو غامج بيكون احسن وفيه لمعه ..بعدين حق شو هالورد مخرب دزاين الغرفه ؟؟حطي باقه مرتبه اكثر عن جي بتعطي ديكور في باقات صناعيه بس شكلها ارتب ..ممكن تغيرين بعد فيش الليت حطي ذهبي بدال الابيض ها روحه ديكور
بصرااااااااااااحة رووووووووووووووعة بس يبيله تعديل وعلى فكرة ناقصنج الزووولية اشتري زولية من هوم سنتر او هومز آر اص واااااااااااااايد رووووووووووووعة عندهم………………
حلوه تتهنين
حلو بس أنا أعتقد لو الجدران كانت سادة، أثاث الحجرة بتنبرز أكثر وأنا من راي البنات تحتاجين فرش