السلام عليكم
خواتي انا ابي اكمل دراسه بس للحين ماستقريت على جامعة معينه بصراحه يالسه أدورلي جامعة تكون زينه ومب مشددة وايد خصوصاً اني موظفه واهم شيء تكون دراسة مسائيه يعني من بعد الساعه 1 لين 4 او 5 تقريباً مب اكثر لأن عندي عيال ومابي اغيب عن البيت اكثر لأني بكون مواصلة من الصبح الدوام وعقب للجامعه
وبعد التقصي والتحري هههه سمعت ان في جامعه جريبه وايد من مقر عملي وهي جامعة الفلاح
فياليت خواتي اللي عندها معلومه عن الجامعه ماتبخل علي يزاها الله خير
وهل الجامعه شهادتها قوية ومعترف فيها !
ارجو الإفادة وشكراً
UPPPPPPPPPPPPP
مافي حد بيفيدني؟؟
up
up
up
ياليت تفيدوني بعد شو التخصص اللي ممكن يفيدني ؟
لأني حابة ادخل باجلر ادارة اعمال
الله يوفقج اختي. ماسمعت عن جامعة الفلاح انا درست في جامعة العين فرع بوظبي صراحه يراعون الموظف وكنت اخذ كلاساتي لين العصر او المغرب يعني مثل تقريبا ساعات نهاية الدوام ماحسيت بالفرق لاني كنت اطلع بدري من الدوام.
بخصوص التخصص دخلي ادارة اعمال عامة مجال واسع ومرغوب وعقب التخرج تقدرين تشتغلين اي قسم.
والله يوفقج.
مشكورة الغاليه المساندة
اعتقد سمعت ان جامعة الفلاح هو نفسه مديرها اللي بجامعة العين هاللي سمعته
واتطمنت الحمد لله يوم اتصلت وزارة التعليم العالي وتأكدت منهم انها جامعة معتمدة
الشيء الثاني اني غيرت رايي وبدخل تخصص علاقات عامة ياختي مافيني على التعب ادارة اعمال كل دراستها انجلش
وانا ابي شيء مريح شوي
علاقات عامه بالعربي والانجلش بس العربي اكثر
وقالولي ممكن ادخل قانون لأنه كله بالعربي وانا مابي 100٪ عربي ابي شيء يكون فيه انجلش بعد
وللحين متردده بس للحين 80 % ابي علاقات عامة
عطوني رايكم