السلام عليكم
شحالكن عساكن مرتاحات
بحاول اخبركم بوضعي على السريع وابغي نصايح من اللي عندها خبره في الحياه الزوجيه
الله يسلمكن صار لي احين 6 شهور من عرست. وانا موظفه يعني ارقد من وقت وريلي يتم يسهر بروحه يشوف التلفزون او على النت. الاسبوع اللي طاف قام كل يوم على موعد رقادي يسير المقهى ويا ربعه وماعرف متى ايي البيت يعني تقريبا الساعه 1 او 2. ويوم رمسته قالي انا بس اطلع في الوقت اللي انتي اتكونين فيه راقده.
المهم امس كنت استخدم لابتوبه وبالصدفه شفت المحادثات اللي تتخزن وشفت محادثه قصيره له ويا وحده وهذي البنت اتقوله انت مرتبط وهو رد عليها وقاللها دنياي مب شيء من دونج. انا من قريت هالجمله ماعرف شو استوا فيني وااااااااااااااااااااايد حزت في خاطري….!!!!
مع اني والله مب مقصره فيه من ارد الدوام اسير المطبخ واطبخ له واكشخ له بس المشكله اني ارقد عنه من وقت ويتم متملل بروحه.
شو اسوي؟؟ احسه قام يطلع من البيت ويسهر ونحن تونا مكملين 6 شهور مب 6 سنين
انصحوووني شو اسوي اغير نظامي واسهر وياه؟ ارمسه عن المحادثه ؟ اغير اسلوبي معاه؟
السموووحه على الاطاله بس حدي مضايجه منه
مرحبااا الغلاااا الله يعيينج بس زين انج مسكتي الموضوع من اوله قبل مايكبرر
دام انهاا سألته انت مرتبط معناته هالبنت ماتعرفه وتوه متعرف عليهاا ويمكن مب قصده شي فاللي قاله لهاا
بس لعب ! ..
برايي لازم تجذبينه من ناحية السهرر حاولي يا تسهرين وياه يا تخلينه يرقد وياج بدري
لا تخلينه فترة الليل لا يسهر ولا يقعد على النت وانتي ادرى بمفاتيح ريلج
وعسى ربي يوفقكم ويسعدكم مع بعض
الله يعيييييييييييييييييييينج
شوهااااااااااا يعني انتي اداومين .. ان شاء الله تبين تسهرين على حسابه وياااادوب تردين من الدوام تطبخين وجابلينه
سامحيني بس والله انقهرت
ما منهم اماااااااان .. الحرمه نايمه وهم يخونوووون
اختي الغالية أول شي
اصبري توج معرسة
و خلي الريال ع راحته بحدود كل الريال يسهرووون و يظهرون مع ربعهم الشباب بس شوي شوي عليه
ربي يسعدج
عزيزتي …نصحيتي لا تعطينه فرصه يقعد على النت بروحه …بس في نفس الوقت لا اتمين له لزقه وتحسسينه إنج مراقبتنه …
عطيه شوية حرية …وفي نفس الوقت خلج تراقبينه من بعيد لبعيد …
مسألة السهر هذي لو تعود عليها من بداية حياته …إنسي انه في يوم يرد لج البيت من وقت …بعد ما تمر عليكم سنه ولا سنتين ولا أكثر …يعني حاولي تخلينه يسهر في البيت وحاولي تجبرين نفسج اتمين وياه …
والله يكون في عونج ….
حاولي تسهرين وياه
اكيد هو يشتغل بعد بس هو يرقد العصر ولا ؟ حاولي تنظمين وقتج وتسهرين شويه دامه سهران فالبيت يلسي وياه شو المشكله