السلام عليكم بنات ومبارك عليكن الشهر الفضيل…بنات انا الحين حامل في شهرين ونص وسرت اليوم عند الدكتوره ناديه لو تعرفونها في بوظبي وتقول عندي دم متجمع ونبض الجنين وقف وانا والله كنت بموت من الخوف وقالت وقفي المثبت وتعالي عقب اسبوع.بنات منو صاير لها نقس الشي وبعدين عاش الجنين؟ياليت تردون علي بسرعه
عليكم السلام
ردي تاكدي عند دكتورة ثانية
وداومي على الاستغفار وادعي في هذي الشهر الفضيل
ادعى ربج ..
واكثري من الإستغفار ..
ادعى ربج ..
وان شاء الله خير
ااختبي بخبرج شي عن دكتورتكم ناديه
ربيعتي من كم اسبوع سارت جيك عندها وكانت توها في بداية الحمل
وقالتلها هالدكتوره ان عندج بداية اجهاض…وسوتلها الفحص وتمت تقول لربيعتي شو هذاااااااا؟؟؟
ربيعتي زاغت وقالتلها شو السالفه؟؟
قالتلها الدكتوره عندج ماي …سالتها ربيعتي شو يعني هالشي؟؟
قالتلها انا ما اقدر اقول لاني ما احب اخوف الناس!!!!!!!!!!
تخيلي ربيعتي يا حليلها زاغت وايد من كلامها…اونها ما تبى تخوفها
ويوم ربيعتي خبرتني قلتلها حبيبتي اولا هالدكتوره مو المفروض ترمس وياج جي حتى لو في اجهاض
والله ربيعتي فديتها كانت صدج خايفه…
وقلتلها حبيبتي سيري لايف لاين يمدحونه
ويوم سارت هناك الحمد لله الدكتوره كانت الدكتوره وايد هاديه وحبوبه وشرحتلها ان التلقيح قد يكون صار عندها متاخر
عسب جي يبين البيبي مو مكتمل…وقالت لربيعتي لا تخافين وتعالي عقب اسبوع لان البيبي بيكون بين اكثر
ويوم سارت ربيعتي عقب اسبوع قالتلها الحمد لله البيبي ما فيه شي ونضريتي طلعت صحيحه ان التلقيح كان متاخر عسب جي بين النونو مو مكتمل
لا تحاتين والله دكتورتكم ناديه هاي وايد تتفلسف
صحيح انها شاطره بس مو مفروض تخوف الحريم جي
مشكوره خواتي ع الردود بس والله العظيم خاااااايفه افقد البيبي.والي اعرفه ان الجنين لو ماعنده نبض يعني ميت لان قبل اسبوعين كان عنده نبض بس الحين لا.باجر بسير الكورنيش وبسوي فحوصات يديده والله كريم .ادعولي اخواتي الله يثبته لي ويعيش
ربي يسهل عليج امييييييييييييين