تقرير خطوبتي & ملجتي مع الصور ^^

طبعا اليوم تفيجت وقلت بنزل شويه صوور من خطوبتي وملجتي .. يعني اشياء بسيطه ..

طبعا الخطوبه تمت فرابع يوم فالعيد وكانت كل ترتيباتي سريعه يعني كنت اجهز حق شيئين للعيد وللخطوبه ..

طبعا الخطوبه كانت وااايد اووفر خدمه فندقيه مع كوشه ودي جي وكل هالحوسه طبعا بدون تواجد بو الشباب هووو كان يشرف على الاشياء من بعيد لبعيد والحمدلله تمت الامور على خير مع اني تلعوزت فالستان كان واسع عليي ويتني الصيحه مع اني كنت مسويه بروفه بس شكلي ضعفت ..

الملجه طبعا تمت اسرع من السريع اتصلوا اهل ريلي من بعد ما خلصنا الفحص الطبي وقالوا لنا نحن باجر بنيي وبنملج وكان الوقت بالتحديد الساعه 7 ونص المغرب يعني ما عندي اي فرصه اجهز نفسي غير نص يوووم والحمدلله بمساعده خواتي الله يخليهم لي خلصت كل اموري بس مشكلتي ما رقدت انام اعدل نمت 5 الصبح وقمت الساعه 7 الصبح من الزيغه وفوق هذا يتني الحلوه فنفس اليوم وعكرت علي مزاجي يعني هذا اللي كان ناقصني فهاللحظه .. الموووهيييم الحمدلله عدت على خير طبعا كانت بسيطه بس انا عزمت ربيعاتي اللي طبعا مالي غنى عنهم يعني المقربين ..

ادري وااايد اهذرب بس بخليكم مع الصور ..فاصل ونواصل..

اول شي طبعا مسكه الخطوبه ..

ثاني شي مسكه الملجه وسوري على رداائه التصوير..

وهذي الصوره صورتها باليوم الثاني ..

وهذا طرف فستاني مع المسكه كانت المصوره سادحتني عالارض وتصورني ربيعتي عيبتها الحركه وصورتني وهذي الصوره ..

واخيييييراً يمي يمي .. كيكتنا البسيطه طبعا تذكرناها فأخر اللحضات وزين انها خلصت فالوقت المحدد^^

كانت لذييييذه … حبيتها وحبيت ستايلها

وتوته توووته وخلصت الحتوته … دعواتكم لي ربي يجمعني مع زوجي على خيير ..

وبـــثــ