تفسير رؤيا الهروب

السلام عليكم..
انا حلمت بأني كنت في مكان مثل محوط بالسور و هذا المكان مظلم..أحاول اشوف من بعيد و احاول اني اروح للنور لكني ما اقدر..و المكان الي انا فيه كان فيه اطفال يلعبون و انا كنت خايفه ما كنت متأكدة إذا هم أنس و لا جن و فجأة تعلق علي طفل و انا تميت اردد سورة الحسد لين ما نزل من علي..و تميت ادور مخرج عشان اطلع من المكان الي انا فيه بس ما حصلت..و بعدين جائتني بنت محجبة تقريبا في العشرينات و بعد خفت منها و تميت اقرأ سورة الناس و سورة الحسد و قررت اني الحقها قلت يمكن بطلع من المكان الي انا فيه..هي طلعت من باب ف الجدار و دخلنا على بيت كله خراب من داخل و بعده فيني خوف و شفت ريال كبير ف السن معصب علي قال طلعي برع..انا تميت اركض بعد ادور مخرج اطلع من بيت و ادخل بيت ثاني و المكان كله خراب في خراب و في ناس يلاحقوني و انا كنت خايفه منهم أشكالهم كانت تخوف..و طول الوقت أذكر الله و مصممة اني اطلع من المكان الي انا فيه..و فعلا طلعت لكن بعد نفس الشي على مكان مظلم و كله جبال و اشوف ليتات شارع شويه بعيده بس انا قررت اني اطلع و امشي بين الجبال لين اوصل و و مشيت بين الجبال بس كنت خايفه اني اطيح بس ما طحت..وصلت للشارع بس تميت متعلقه يعني جسمي تحت و متعلقه بأيدي..بعدين وقفو 2 شباب كانو يسوقون دراجة نارية وحده من الدراجات انفجرت بس في الاخير واحد منهم كان ابيض البشرة و لابس كندوره بيضه ساعدني و طلعني على الشارع..

و شكرا

انا متزوجه و عندي 5 اطفال. .و حالياً عندي سوء تفاهم مع زوجي. .و نمر انا و أهلي بظروف و مشاكل..و ايضا في سوء تفاهم بيني و بين زوجه ابي..و انا موظفه براتب جدا بسيط و ابحث عن عمل براتب اعلى..