السلام عليكم ورحمة الله وبركاته
اما بعد….
اول شي صلوا عالنبي عليه افضل الصلوات والتسليم:
اللهم صلي وسلم على نبينا محمد…
اليوم بتناقش معاكم بموضوووع يحصل في كل البيت الا وهو ان الجدة اتفرق بين احفادها يعني اتفضل عيال ولدها الكبير عن عيال ولدها الاصغر مثلا….
يعني مثلا:
اتفرق بينهم في وايد اشياء يعني اتخاف عليهم واداريهم وعيال الولد الثاني اتمل منهم وتتحرطم واتحسينها متضايجة وما تباريهم مثل ما تباري عيال الكبير تبووون الصراحة انا احس بهالشعور واحس بقهر واحس اني اكره البيت واليلسة معاها من هالحركات…
ساعات اقول يوم الوحدة تلبس العمة ويكون اسلوبها خايس يحترمونها واللي تسوي كل شي عشانهم وعشان البيت وتتشرا للبيت واشياء وااايد واللي تكون طبية وتنادها امي يلبسووونها ويعاملونها ويعاملون عيالها غير….
وعندي موقف لين الحين حاز بخاطري:
مرة كنا انا وعمتي واخت ريلي وكنا نبا نغدي اليهال فكانت بنت الولد الكبير موجودة وامها كانت بيت اهلها لانها مربية المهم قلنا حق البشكارة اييبي غدا لليهال فيابت طاسة عودة وحاطة فيها عيش وسمج مقلي وطماط عسب العيش يكون لين المهم عمر ولدي وعمر بنت الولد الكبير سنة و2 شهر وولد اخت ريلي 9 شهور المهم يلسنا وانا واخت ريلي اناكل عيالنا وعمتي اتاكل بنت ولدها العود المهم وانا يالسه اطعم ولدي واشيله اشوي طماط عسب العيش شوي يابس المهم اتخيلو عمتي شلت الطماط كله وحطته صوب بنت ولدها وولد بنتها وشلته من جدامي والله انقهرت قلت يعني عادي ولدي ياكل يابس وهم لا يعني ولدي شو مب ياهل المهم جان اانقهر من داخلي وزقرت البشكارة وقلتلها حطي حق ولدي عيش فصحنه " للعلم انا دوم ااكل ولدي بصحن خاص له" بس هاليوم قلت عادي باكله معاهم بس انقهرت صددددق
وتصير وايد مواقف تقهرنا صح؟؟؟؟؟؟
طبعا نحن نصبر عسب الاحترام ل زوجنا ولهم بعد…..
ممكن اللي صار معها موقف اتقول لنا وكيف اتصرفت وكيف عالجت هالتفرقة؟؟؟؟
ممكن نفيد بعض ونستفيد…
والسموووحة
سبحانك اللهم وبحمدك اشهد ان لا اله الا انت استغفرك واتوب اليك…
الله المستعان
اممممم الله يهدي الجدااات اللي جذي
انا امي يده وعندي عيال اخوووي العود 3 وعيال اختي اللي بعده 2
بس ابددددد ماما ما تفرق بينهم وتموووووووووت فيهم وبالعكس اختي اللي عمرها 7 تغار لان ماما تعاملهم واايد اووكي بس هي قد ما تقدر تحاول ما تبين انه واحد اغلى من الثاااني عندها ,, مع ان احفاده الـ 5 بنات بس ولد وااحد وتمووووووووووووت عليه لانه الولد الوحيد فاحفادها بس ابد ما تبين انها تفضله عليهم
و وقت التربية والدلع تلاقينهم كلهم فحضن امي ويلعبوون ويستانسون عليها ,, بس بنتين عمارهن 4 شهور ^^
امم انا اعتقد انه حسب شخصية الجده ما يخصه انه كل الجداااات جذي
يعني اذا هي تفضل ولدها الكبير بتحب عياله امثر واذا تفضل الصغير بتحب عياله اكثر ,, وطبعا هذا غلط ^^" بس شو نسوي لازم فالدنيا تفرقه حتى لو من اقرب الناس حبيبتي حاولي ما تحطين هالشي فاهتماماتج ,, طنشي وربي ولدج واهتمي فيه ولا عليج من حد
وربي يهدي اليده ان شاء الله
>>> بعدني مب معرسه هع بس حبيت اشارك <<
بصراحة كلامج صح أحيانا حتى بعض الجدات تعامل لعيال جدام حرمة ولدها بالشين عشان تقهرها وإذا كان ولدها موجود يعني أبوهم تبين مدى حبها الكبير حقهم يعني الحرمة لو خبرت ريلها مايصدقها لأن أمه تكون خبيثة
قلنا البعض وليس الكل بخبركم موقف صار لوحده أعرفها بنت الولد وبنت البنت فنفس العمر وتربوا مع بعض وكبروا لين تخرجوا من الثانوية يوم كانوا صغار مايحسون بالتفرقة بس لما كبروا طبعا عارفين شو اللي يدور حواليهم المهم الجدة تخاف من بنتها لأنها متسلطة أما ولدها ماله شغل فشي لحاله هو وعائلته فيوم كان وقت التسجيل للجامعة راحت عائلة الولد تسجل بنتها للجامعة وبالصدفة نفس اليوم عائلة البنت راحت تسجل بنتها ولكن كانت الصدمة لبنت الولد إن شافت جدتها وعمتها وعمها اللي مب متزوجين كلهم رايحين مع بنت بنتهم اللي هي بنت عمتها فحزت فخاطرها ولما رجعت البيت كانت طول الطريج وهي تصيح ومتأثرة لحد اليوم والحين سبحان الله هي بتتخرج من الجامعة وبنت عمتها متأخرة وايد وتبا تشوف ردة فعل جدتها والله المستعان
صح بعض الاحيان اتصير
مثلا نحن ما عدنا احفاد في العايله
المهم يدتيه اتفرق بيني وبين اختيه بصراحه اتحب اختيه واخويه العود واااااااايد
اكثر من اي حد ف البيت معنها اتحاول ما اتبين بس ما تقدر
واما ام اميه اتحبني انا اكثر من اخواني يمكن لأني شبيهتها لووووووووول
بس بصراحه ما احس ان هالتفرقه امسببه لنا اي نوع من انواع الحساسيه
صدقتي في كل اللي قلتيه بس احس مافي حل غير السكوت لانه اذا تكلمتي بيزعل ريلج وبتطلعين انتي الغلطانه مالج غير الله وادعيه انه ييسر امورج بس اذا حصلتي حل او طريقه راسليني عالخاص
خليها برايها ترى الحب والكره من عند الله ..
ماتقدرين تجبرينها تحب ولدج بالغصب
خاصة الحريم العيايز احيانا عليهم حركات ترفع الضغط ونضطر نسكت ونطوف عشان ما نزعلهم
وانتي بعد طنشي لا توقفين الدنيا عشان موقف او كم موقف صار
اهم شي عيالج انتي تحبينهم ومعوضتهم عن حنان الدنيا بكبرها مب بس حنان الجدة ..
موفقة حبوبة