هاذي مشكلتي
https://forum.uaewomen.net/showthrea…3-%D9%84%D9%8A
خواتي ترا البنت مب بس صديقتي اللي بيننا صله قرابه عشان جي تعرف كل شي عنا وتسولف مع ريلي عاادي وكنت عاطتنها الثقه لاني ما شكيت ولو لحظه انه بتحب ريلي وبتسولف وياه …وفي موضوع ثاني بعد اللي عرفته جريب وهو انه انا متاخره فالحمل ودايما اقول لريلي خلني اسوي فحوصات واشوف شو المشكله وليش ما حملت للحين ودايما يتحجج ويقولي مب لازم ولو الله كاتب لج بتحملي ..والحين عرفت شو السبب انها هي تقوله لا تشلها تفحص والا تعاالج عشان ما تحمل وتخرب علينا ما ادري شو المقصد يعني …
واللي تقولي ليش كلمتيها تراني قلت هاذي صديقتي وجريبتي اكيد بتستحي وبتخاااف اذا كلمتها وبتعتذر مني لكن ردها صدمني وما توقعتها جي بتقوولي
وانا للحين ما كلمت ريلي ولا بكلمه بعد اللي افكر اسويه الحين اني اكلم حد من اخواني ويتفاهمو معاه اذا ما يباني وما يبغي مني عيااال يخليني فحااالي ويطلقني واخليهم يتهنو مع بعض والا اذل نفسي واترجاااهم يتركو بعض…وما ادري اللي بسويه صح والا غلط والحمدلله على كل حاال
تمت الموافقة
الله يهديج أي ثقة ؟؟ حرمه تسولف مع ريلج وتقولي اعطيها ثقة ؟؟
يااختي أي حرمة ماتحل للريال ماتعطيها ثقة ، الحينه البعض بينخدع في القرايب اللي يحلون للريال
عموما احس انج انهزامية بعد اللي صار
هذي المواضيع محتاجه وقفة صارمة ولكن بحكمة
وشوري افضل اخوانج يكون حكيم وبنفس الوقت له ردة ايجابية لحل الموضوع
ولاتزعلي نفسج من اللي صار الدنيا دوارة ومصير الموضوع ينقلب ضدها
ادعي ربج والمظلوم دعوته مجابة ولو بعد حين
المشاركة الأصلية كتبت بواسطة المراقبة العامة 
الله يهديج أي ثقة ؟؟ حرمه تسولف مع ريلج وتقولي اعطيها ثقة ؟؟
يااختي أي حرمة ماتحل للريال ماتعطيها ثقة ، الحينه البعض بينخدع في القرايب اللي يحلون للريال
عموما احس انج انهزامية بعد اللي صار
هذي المواضيع محتاجه وقفة صارمة ولكن بحكمة
وشوري افضل اخوانج يكون حكيم وبنفس الوقت له ردة ايجابية لحل الموضوع
ولاتزعلي نفسج من اللي صار الدنيا دوارة ومصير الموضوع ينقلب ضدها
ادعي ربج والمظلوم دعوته مجابة ولو بعد حين
يا اختي لا تستلمين بهالسهولة, ليش تعطينها الفرصة تنتصر عليج؟
الحين انتي بنفسج اعترفتي بغلطج وثقتي فيها وخليتيها تسولف وتاخذ راحتها ويا ريلج, وهالشي هو سبب مشكلتج أولا وأخيرا, هذا ريلج وحلالج وانتي اللي لازم تكسبينه, جوفي هي شو يالسة تسوي
وشو يالسة تقول له وبكل بساطة يسمع كلامها, هل هي لها الحق تتحكم فيه او تجبره على شي؟
انتي تقدرين تسوين اللي تبينه وتسوين نفس الشي ويا ريلج لين تردينه, فكري هل فيها شي زيادة عنج مخلي ريلج يتم وياها؟ فكري صح عشان يرد ريلج لج انتي.
لا تخلين الآراء السلبية تأثر عليج وكوني قوية وصبورة والله يرد لج ريلج ويبعد هالبنت عنه.
نعم نعم
تخلينهم يتهنون وتتطلقين بسبتها .؟؟!! يعطيج العافية دامج بتهدين بيتج بسبة وحدة فاضية وماعندها سالفة .هدامة البيوت ..لاحبيبتي هذا بيتج وريلج وحافظي ع مملكتج لاتخلينها تهدم بيتج برسالة وللا رسالتين ..خلي اساس بيتج قوي كل بيت مايخلى من مشاكل وشرات ماقالو لج الخوات شلي بعمرج وحد من اهلج وخبري عليها نعم لاتسكتين وتنحرجين لاتسمحين لاي حد يهدم مملكتج …الحياة الزوجية تبا صبر مب من اول مشكلة بتطلق ..لا حبيبي لاتتنازلين لهم بها السهولة .هاي تبا حد يأدبها ويوقفها..زريلج لازم تواجهينه وتعرفين عن سبب الحمل ليش مايباج تفحصين خليه يصارحج بالسبب هل نيته صدق مايبا وللا كيف ..
ياربي ماعرف شو مستوي بالدنيا منجلبة فوق حدر ..الا ساعات اهل الريال يخربون حياة الزوجين عشان الغيرة وللا حسد ولا هدامات البيوت نفس سالفة الاخت وللا وللا ..الله يعينا ع هالزمن ..
الله يكون فعونج حبيبتي ويصبرج
عيل ليش منزله الموضوع ؟
فضفضه وبس ؟
دامج مستسلمه وعادي عندج ريلج يطلقج ويتهنون هم عشان كرامتج عيل ليش نزلتي تعقيب ثاني ؟
والله لو منج كنت بشرشح ريلي وبفضح هاييج عند اهلها وعقب بقول له روح لها جان تبا
بس مادري كيف انتي تفكرين
وبعدين كيف تسمحين حق ريلج يكلم او يشوف وحده ثانيه غيرج
حتى لو كانت اختج المفروض ما تخلين ريلج يشوفها او يكلمها .. هني دورج تحافظين ع ريلج من اي حرمه فالدنيا
مادري كيف تفكيرج الصراحه
ما اتفق معاااج اخت غلا نفسي فاللي تقوليه
يعني دام ريلها ما احترمها وسار يخونها مع صديقتها شو تتوقعينها تسوي اااكيد بتطلب الطلاق لو كنت مكانها كنت سويت نفس الشي ولا حتى اناقشهم فالموضوع
وانتي بروحج قلتيها ف موضوع ثااني {مستحيل اذا ما بقى للحب والاحترام والكرامه مكان بيني وبينه
فالافضل لي وله الانفصال
اتعب نفسي كل يوم واموت فاليوم مليون مره وصحتي بتروح مني