السلام عليكم ..
شحآلكم ^^
ربيعتي عرفتني عـ وحده واايد طيبة و حبوبة
بس هي أكبر عني بثلاث سنيين وهاي اول وحدة اكلمها وتكون ربيعتي
والله وااااايد طيبة و انا اول مرة اتعرف على حد مآ شفته بس عن طريق البيبي
سولفت وياها عالبيبي و اللحين اعرفها من ثلاث اياام جي
بس المشكلة ما اعرف اتكلم وياها لأني ما اعرفها ما اعرف كف ابدأ اكلمها
انا كلمتها و سولفت وياها شوي وبعدين خلاص ,,
المشكلة انا ما اعرف كيف اسولف و ما عندي سوالف وياها
و اخاف اسلوبي ما يعيبهااا 
و هي خبرتني قالت بتتخرج شهر 10 …
يالسه افكر اخذ لها شي أو يكفي كلمة مبروك التخرج
لأني جي بكون اعرفها من شهرين بس انتو شو رايكم ؟
او كييف اتقرب منهاا و تصير ربيعتي مب زميلة !!
للعلم ربيعتي خبرتني أنها تحب الماركات فـ انا أخاف اخذ لها شي و ما يعيبها
بس هي ابدا مب خقاقة بس انا افكر جي 
أنتو شو رايكم تصلح تكون ربيعتي بسبب فارق العمر أو لا ؟
و كيف تنصحوني اسولف و عن شو اسولف ><
بلييز نصحووني ما عندي خبرة أول مرة أحس هالأحساس 
إممممم
ماأعرف شو أقولج صراحه
بس مب كل حد مدحلج حد تعرفتي عليه
ترى والله الدنيا مامنها أمان ..،
يعني سولفي عادي بس لا تعطينها معلومات عنج
شخصيه واايد ..،
و ماله داعي تعطينها هديه لنها بتتخرج ماله داعي
وانا بعد اقول جيه رايي من راي هدى
وبعدين تفكيرها غير تفكيرج امم وووصدقاتكم احين شبه رسمي
اختي عادي لا تصعبين الامور ع نفسج ،، خلج عاديه نفس ما انتي ويا الكل لا تتصنعين الاسلوب ويا حد واللي يحبج بيحبج ع شخصيتج اللي انتي عليها سنين مب يوم وليله والسوالف نفس ما تسولفين ويا باقي ربيعاتج سولفي وياها ومن ناحيه العمر دام هي وحده تخاف ربها وعاقله ف هي تصلح تكون ربيعتج اما اذا شفتي عليها شي ما يرضي ربج ودريها .. وبالنسبه للهديه اشوف مالها داعي بس باركيلها وبتكون كافيه لانكم ما تعرفون بعض معرفه شخصيه
عادي حبيبتي ليـش مصعبه الامور
مثل ماقالت الأخت نفحه امل اللي بيحبج بيحبج مثل ما انتي
يعني ماله داعي تتصنعين وتسوين اللي هي تحبه .. انتي نفسيتج بتتعب جي
لان هاي مب شخصيتج .. وعن العمر عادي .. عادي تحصلين ناس اكبر عنج بوايد بس عقولهم صغيره ولا عقول اليهال
واذا شفتي عليها شي مع الايام ما يرضي ربج ودريها
وبعدين حقيقة الانسان مابتبين الا بعد ماتعاشرينها يعني انتي لا تثقين فيها بين يوم وليله عشان ماتنصدمين
بس خليج طبيعيه معاها جداً وتصرفي على طبيعتج
وعن السوالف سولفي معاها شرات ماتسولفين مع ربعج الباقيين عادي
ومع الايام بتتعودين عليها وبتاخذين وتعطين معاها فالكلام 
بس اهم شي مثل ماقلتلج خليج ع شخصيتج الطبيعيه ولاتتصنعين وبس =)
الله يوفقج فديتج
اللهم انك عفو تحب العفو فأعفوا عنا
اللهم أسآلك الجنه بغير حساب ولا سابق عذاب
اللهم اعتقني من النار
المشاركة الأصلية كتبت بواسطة نفحه أمل =) 
حبيبتي التعارف ما يكون بال بي بي بس .. يعني ضروري تعرفينها عدل قبل .. وتتشاوفين وياها .. وتجوفين لو كانت صداقتها مناسبة لج ولا لأ ..
الله يوفقج يا رب ..