السلام عليكم ورحمة الله وبركاته
صباحكم جوري يا خواتي العزيزات
انا موضوعي هذا بخليه عباره عن يومياتي عشان تشجعون بتجربتي
وباذن الله بوصل لوزني اللي اباه وابى منكم التشيجع ومتابعتي عشان اتشجع اكثر
انا طبعا كل حياتي رجيمات بس الحمدالله بريجماتي السابقة خسرت 15 كيلو من وزني
والحين بحاول افقد المزيد من الكيلوات
طبعا انا انصح كل البنات اللي يبون يضعفون في الاسبوع خمسه كيلو يجربون رجيمي المجرب من قبل
وهو اول اسبوع لرجيم اسامه حمدي
خطتي لفقدان وزني
اول اسبوع رجيم اسامه حمدي
ثاني وثالث اسبوع رجيم اليزابيث تايلور
الاسبوع الرابع ببدا برجيم واكيد بكتبله لكم في وقته
وباذن الله بوصل لوزني المثالي
طولي 160
وزني قبل البدأ 91.4
ومن يومين باديه الرجيم وصار وزني
89.3
وبنات قولوا ماشاء الله وان شاء الله كل بنت تضعف وتوصل للوزن اللي تباه
انا باذن الله بشترك في النادي الرياضي من الاسبوع الياي عشان ينشد جسمي
وابى التشجيع
تحياتي لكم غراااااااااااااااام
بكتب اول يومين شو كلت فيهن
اول يوم
الفطور اليومي مايتغير طول الاسبوع
بيضتين ونص كوب عصير برتقال
الغدا فاكهه نوع واحد باي كميه
العشا كلت قطعتين بورغر دياي مشواي
اليوم الثاني
الغدا تكه دياي تقريبا 5 قطع وتبوله وبرتقاله
العشا شربت فيمتو لايت المفروض عشاي بيضتين وتوسته وبرتقاله بس رقدت وماراحت علي وجبة العشا
اتابعين عند حد حبوبه
وكم تبين توصلين
انا قبل فقدت 15 كيلو
10 كيلو في شهر عند نيوترشن
5 كيلو في اسبوع برجيم اول اسبع من رجيم اسامه حمدي
وحاليا من يومين بديت برجيم اسامه حمدي وضعفت كيلوين وبكمل عليه
بسوي الرجيمات اللي اشوف لها مفعول وتضعف واذا مانزل وزني يمكن ارجع لنيوترشن بس هالمره ارادتي
غير وبقدر انزل وزني واريد اوصل ل 62 بس دعواتكم وتشجيعكم
وبعد أسبوع بقولج كم نزلت 
وحلمي نفس حلمج،، وصج صج أنا بعد إرادتي هالمرة غيييييير،،
وبقدر بإذن الواحد الأحد
روزاليندا انا معاج فديتج وخلينا ييد وحده كل وحده تشجع الثانيه وبتشوفين بتنزلين باسبوع خمسه كيلو باذن الله
تسلمين ع المرور
وهل تمارسين الرياضة كل يوم …؟