تطبيقي لارز بالدجاج والطماطم لمنال العالم

شو رايكم نبدأ بالمقادير
3 كوب ارز
4 ملاعق سمنه
2 بصل مفروم
ثوم + زنجبيل + فلفل اخضر
1 دجاج مقطعه الى اربع قطع
البهارات الناعمه(ملح + كركم+ قرفه+ بهار مشكل + زنجبيل + بابريكا)
3 طماطم مفرومه
2 ملعقه معجون طماط
البهارات الحب(هال + قرفه + مسمار+ ورق غار+ لومي يابس)

الطريقه نخلط البهارات الباودر مع بعض ونرش نصه على الدجاج ونفركهم عدل ونخليهم
نسخن السمن ونضع عليه البصل + الزنجبيل + الثوم+ الفلفل الاخضر
يوم يذبل البصل نحط عليه الدجاج ونخليه 5 دقايق
نحط الطماط المفروم ومعجون الطماط على الدجاج ونضع عليهم البهار الحب ونغطيه لمدة ربع ساعه
بعد الربع ساعه نحط باقي البهار الناعم وبعد الارز ونحركه تحريك خفيف ونضيف الماء بحيث نغطي الدجاج والرز ونغطيه ونخليه على النار لمدة نص ساعه
بعدين كلوه بالعافيه عليكم