كيف انرتب ملابس العروس ؟؟؟ يعني نشتري شنط ولا بكسات ؟
ارجوك توضيح بتفصيل ملابس النوم جلابيات بجامات الأكسسورات العطور الدخون
هل ملابس النوم نغسله بعد ما نشتريه ولا لا
كيف تتعطر الملابس
انا بعد ابا اعرف كيييييف…ياليت حد يخبرنا
وانا بعد اريد اعرف
ان شاء الله حد يفيدنا
هلا أختي onood …
أنا رتبت أغراضي في بوكسات أيكيا لني أصلا ما عرضت زهبتي وسويت ليبل حق كل بوكس…
ومن ناحية قمصان النوم ما غسلتهن وقبل ما أطرش أغراضي لعش الزوجية دخنتهن وعطرتهن…
أنشالله أفدتج… 
سؤال وايد حلو ومفيد ياريت المعرسات يفيدونا
والله انا بعد ارووحي ابا اعرف ..
لأنه نحن بعد على ويه عرس
سلمتي الغلا ونتريا خبرات المعرسات
مسا الخير بنات ..
اكيد تسألن كيف هاي ما تجابل ريلها وهي توها عروس بس ما عليه يوم بتعرسن بينعكس ليلكن نهار ونهاركن ليل هههههه ..
بالنسبة اللي بتعرض زهابها مثل ما انا سويت كنت .. قبل العرس باسبوع او اسبوعين مسكت العبي والشيل والمغربيات والمخورات ودخنتهن وعقب عطرتهن وحطيت كل وحده في كيس مال الدوبي (laundry( والملابس الداخليه عطرتهن بعطر فرنسي بارد مع مسك الشفاف وحطيت كل واحد في كيس بلاستيك عسب يمسك الريحه
ويوم العرض عرضت كل ثيابي ما عدا الملابس الداخليه والقمصان النوم
وبالنسبه للترتيب رتبت كل شي في شنطه وطبعا الشنط والنعول خليهن في بوكساتهن ولا تضيعين اليوكسات لانهن بيحميهن من انه يتعفصن..
وهذا كل شي وطبعا اذا عندج خوات ما بيقصرن فالترتيب وانشالله افدتج ومووووووووفقه