حبيت اقولكم على فكرتي حق الرشاقة واتمنى تشاركوني فيها
انا من سنين طويلة وانا احاول اضعف لكن ما قدرت وكل ما نزل وزني فترة وارده لكن نويت اني ابدا من اول وجديد وبهمه جديدة وارادة وقوة عزيمة اقوى من الصخر
لمتى بتم متينة و بها الشكل لازم اتغير واتحدى الكل وارتاح من طنازتهم علي وتعليقاتهم
يالله بنات ترى محد بيحس فينا غير الي مثلنا
واشكر اختي سايل غير على موضوعها
وطرحت فكرتي الي كانت
شو رايكم كل وحدة تسوي حق نفسها ريجيم يناسبها بس لازم يكون كالتالي
وحدة فاضية تتبرع وتتابعنا وتكون المسؤولة عنا 
كل وحدة تتكتب ريجيمها
لازم يكون فيه رياضة واكل صحي
نكتب قائمة ممنوعات والي تخالف تعاقبها المسؤولة وطبعا العقاب يكون رياضة او حرمان من اكل معين موجود في قائمة كل وحدة وتحبه
وكل وحدة لازم تدخل تكتب يومياتها عشان المسؤولة تتابعها
شو رايكم بالفكرة
انا عن نفسي ببدا من اليوم بقولكم باكر عن يومي والي تحب تشارك تتفضل
تمنياتي لكم بالتوفيق
موفقه حبيبتي بس اهم شي الاراده ..
بس عن الرجيم لا تسوين قاسي صدقيني ما بينفعج سوي تخفيف + رياضه وشوفي بتنزلين بشو شوي احسلج من بسرعه عشان ما تردين …^.^
up up up
موووووفقه حبوووبه ونحن كلناااا وياااااجــ
وان شااااء الله كل مااا بدخل بحط يومياتي ^^ ….
وانااا بديت الرجيم من شهر واحد لحد الاآآن خسرت قولو ماشاء الله 22 كيلو …
من دووون حرمااان مع التخفييف والريااضه…
مع الارااااده وحمااس البنااات الوحده تتحمس وتحاافظ ع الرجيم ^^ لي عوده
هــلآ الغلا
بصراحه انا مو من النوع الي احب اكل يعني عادي اقضي يومي من غير اكل
بس جسمي متين
بس الحين امشي كل يوم قبل المغرب ربع ساعه وان شالله اضعف وياكم
يلا خلونا نشجع بعض ونوصل للوزن الي نبيه
الله يوفقكم ان شاءالله
بالتوفيق حبايبي