السلام عليكم خواتي … أي أول مشاركة لي في المنتدى … مممم سؤالي واضح أبوي معطني الصلاحية في تحديد المهر وطبعا أنا محتاره مب عارفه كم اطلب .. ساعدوني ما أبغي أبالغ و لا أبغي أقصر …
والسموحه
ربي يوفقج
بالتوفيق
موفقة ان شاء الله
المهر بيكون مع الزهبه ولاا كيف ؟؟!!!
المهر طبعا بيكون لج تقدرين تمشين مع اللي امقرر 20 مقدم و 30 موخر
او اللي يريحج وطبعا لاازم اتعرفين وضع ريلج المادي
واذا مع الزهبه ..
تقريبا مب اقل 100
لاانج بتتوهقين بالشرا و احتمال تنقصج
وطبعا الذهب بروحه ضوو
وانتي خذي راي ماماتج او حد من اهلج يمكن يفيدونج اكثر
ولو ما خذتي وايد اذا ظروف ريلج ما تسمح عادي لاا تحاتين لاانج لاازم بتتشرين عقب العرس معاه
ولو كان مهرج شوي بعد عادي تقدرين ادبرين عمرج
بس طبعا راي اهلج اهم لاانهم ادرى عنج وكل حاياتج
اتمنى اكون فدتج
واذا اي شئ قلته غلط اتمنى باقي البنات يعدلون المعلومه ويساعدونج
^_^
اولـآ
مبرووووووووك يالغالية وربي يتمم لج ع خير ،،
اختيه شآوري الوالد والوالدة والاخ الاكبر ،، وشوفي رايهم
ولا تنسين قول الرسول
اقلهن مهرا اكثرهن بركة
وربي يوفقج وعسى ايامج كلها افراح وسعادة ، ،
الموضوع وايد حساس الله يعينج والله
انا مهري 20 الف ,, متعارف عند الكل ف منطقتنا ,, يعني محد يزيد عن ال 20 الف
و الزهبه ع حسب / ناس 80 و ناس 70
وانتي وشطارتج كيف تقسمسن الزهبه ..
بس نصيحه لا تاخذين وايد وانا ضد اللي تقول لج مب اقل من 100 مع احترامي لها
بس انتي ما راح تشترين السوق جنج مب رايحه السوق بعد اليوم ,, خذي المطلوب ولاتكثرين
وربي يوفقج يارب