خواتي الغاليات بغيت أتخبركم عن ملابس البيبي يوم تشترونها تغسلونها ؟؟؟
وحابه أعرف بعد شنو الأشياء اللي بحتاجها وأنا في المستشفى…؟؟لي وللبيبي
امممممممممم وبعد ما ادري والله …المهم فيدوني…
اكيد تغسلينهم ^_^ و تبطلين العلامه الي عند اللرقبه مال الفوانيل خخخخخ
في المستشفى ما بتحتاجين شي غير الملابس لانهم هم يوفرولج سبوح البيبي و البامبرز خخخخ
وبعد انتي شلي الملابس الي تبينها ما تكثرين حق ليلتين بس ^_^
حقيبة المستشفى (الولادة):
1)جلابيات للضيوف مع شيلهم
2) سليبر
3) ستيانات الرضاعة.
4) كوتكس.
5) جوارب( بتحسين بالبرد هناك)
6) أغراض العناية الشخصية أحجام صغيرة (شامبو/ كريم/ ديوديرانت/ ليفة/ شاور جل/ فرشاة أسنان/ معجون).
7) الموبايل والشاحن.
8) كتيب للأدعية الولادة.
9) الأوراق الرسمية (ثقه +الهويه+ الجوازات الخ )
10) كاميرا
11) عطر.
12) شنطة مكياج صغيرة+ سشوار
13) أغراض للبيبي (3 اوفرول مع ملابسهم الداخليه/ صدارية/ كفوف/ جوارب وطواقي/ مدس/ لحاف )
14) بامبرز
15) كريم الحلمه للتشققات
16)مصحف صغير
شوفي اللي يناسبج من اللستـــــــــــــه ^_^
ربي يسهل عليج و عليه وعلى الجميع يا رب
الملابس لازم تغسلينهم باليد يفضل بعد بصابون خاص للاطفال …
وبخصوص الشنطة انا في الشهر التاسع ادعيلى ربي يسهل عليه … حطيت جلابيتين دانتيل مطقمة مع البيبي .. وخذت مشط + صابون + شامبو+معجون +فوطه+عطر خفيف+شبرات مناسبه مع اللبس+فوطه للبيبي+ قماط ولحاف وسليب باق للبيبي+ شبشب+كرمج الله الهافات الا يبيعونه في مذركير) هل الا اذكره لو حد يذكرني بعد لو ناقص شي عندي
والتوزيعات اختي بتتكفل فيه .. وانا ماخذه صينيه من فواله حلووووه على ذهبي بيتقدم مع الشاي والقهوة ان شاء الله
سؤال مهم .. خاصة للي يحملن لأول مرة
أتوقع لازم تغسلينهم
وبالنسبة للأغراض الخوات ما قصروا
لااااااااااازم تغسلينها ويفضل بشامبو … الله يهون عليك واي تجهيزات للام والبيبي للمستشفى انا حاضره لو تحبين تشوفين الصور راسليني
مشكورين خواتي على الردود …
والله ما قصرتو كفيتو ووفيتو….
والله لا يحرمني منكم