( سامحوني بنات كتبته في قسم غلط
سوري )
من باب انقل لكم تجربتي
لاني كنت ادور تجارب و تبهدلت وما لقيت حد يساعدني
مشكلتي فيني تجاعييييييييييييييييييييييييييييد و احس شكلي في الاربعين متعقدة من عمري
و يوم عندي فلوس بوكي يزقرني هههههههه
اما تكبير و تصغير لا مستحيل
1- بوتكس
مشكلتي: كثرة تجاعيد الجبهة و تجاعيد عند اطراف العين بالرغم من اني صغيرة 
سعره : 1200 درهم او 1500 درهم
الطريقة :الدكتور يعطيني ابرة و بعدين يعطيني موعد بعد اسبوع عسب يجوف النتيجة و يجوف لو تحتاج ابرة زيادة
اسباب البوتكس: طبعا البوتكس لتجاعيد الجبهة و تجاعيد ع اطراف العين
ممكن تستخدمين البوتكس لرفع الحواجب
النتيجة : تجاعيد يبهتي اختفن و تجاعيد اطراف العين راحوووا
ملاحظة: انا ما اشجع ع رفع الحواجب لان شكلها غللللللللط ف غلط الا اللي جفونها مترهلة فقط
كم فترة يظل البوتكس : 6 شهور فقط و يروح
عدد مرات التجربة: 3 مرات
هل تشجعين الوحدة تسويه : نعم و بكل تأكيد خاصة المتعقدة من كثرة التجاعيد و هي صغيرة
اما اللي بترفع حوايبها ما اشجعها ابدا لان المظهر غلط
ولان كثرة الرفع تخلي المنطقة الامامية من الحواجب تنزل
يعني ترفعين نهاية الحاجب و بداية الحاجب ينزل بروحه تلقائيا و يخرب شكل الويه
( لاحظوا الممثلات اللي يحفون حوايبهم و يرفعون يتبهدلون و الحواجب ارررف و يسوون تاتوو ) انتبهوا لانه حرام و غير انه يخرب شكل الويه
2- فلرز
يستخدم الفلرز لتكبير الشفايف و الخدود و تعبئة خطوط الابتسامة
مشكلتي: وجود خطين واضحين لخطوط الابتسامة فقط
اما شفايف و خدود خلوني بعيد عنهم
سعره : 1500 درهم
الطريقة :الدكتور يعطيني ابرة و بعدين يعطيني موعد بعد اسبوع عسب يجوف النتيجة و يجوف لو تحتاج ابرة زيادة
النتيجة : امتلاء خطين الابتسامة و نتيجة ولا اروع
ملاحظة: انا ما اشجع ابدا ع تكبير الشفايف او الخدود نكتفي بتعبئة الخطوط فقط
كم فترة يظل الفلرز : 6 شهور فقط و يروح
( لكن في الاصل يتم 3 شهور لان مادة الفلرز تروح بسرعه )
عدد مرات التجربة: جربته مرة وحدة فقط
هل تشجعين الوحدة تسويه : انا جربته مرة وما بكرر التجربة
1- يروح الفلرز بسرعه خلال 3 شهور
2- يوم يروح تحسين ان فيه شي يفش و يروح من ويهج
3- شكل الويه يخترب تدريجيا ( لاحظوا الممثلات و خطوط الابتسامة كيف منمقة و مختربة و مو حلوة بسبب الفلرز)
4- يسبب الفلرز تورم بسيط او قوي ع حسب و يسبب كدمات انا بصراحة ع خطوط الابتسامة صارت لي كدمات لمدة 5 ايام و توهقت
3- ابرة النضارة
مشكلتي: ما كانت عندي مشكلة بس حبيت اجرب الابرة ليوم عرسي
و قبل عرسي باسبوعين كانت عندي امتحانات يعني ويهي الله لا يراويكم اررررررررررف و تعب الفايييييييييينل
سعره : 1000 درهم
الطريقة :الدكتور يعطيني ابرة و خلاص و خذت الابرة قبل العرس ب 8 أيام
اسباب ابرة النضارة: طبعا الابرة تنور الويه و تعطي لمعة لمنطقة الخد و الدكتور يضرب كذا ابرة بطرف الابرة فقط و تنتشر المادة في ها المنطقة
ما بين 10-14 مرة يعني ما تدخل الابرة لويه كامل بس طشونة نتفة
النتيجة : الويه منووووووووووووووووووووووور و تطلع لج خدود خفيفة جدا
ملاحظة: ما بعيد التجربة ابدا
عدد مرات التجربة: مرة وحدة فقط
كم فترة تظل النضارة : اسبوعين فقط
هل تشجعين الوحدة تسويه : ابدا
1- يسبب ألم وقت ضرب الأبرة في حالة ما كنتي حاطة مخدر املا بكميات كبيرة
2- يسبب في بعض الحالات ندوب خفيفة مثل النقط او علامات و كدمات زرقاء لمدة 3 ايام
2- يظل اسبوعين و يروح ادفع 1000 ع اسبوعين
يمكن الوحيدة اللي بنصحها فيها للي بتعرس لكن تسويه قبل العرس ب 8 ايام بالضبط مو تسوي قبله بيوم و توهق عمرها بالكدمات الزرقاء و تفضحنا خخخخخخ
و خلصت تجاربي مع الابر
حاليا موفقة كل سمكراتي لاني حامل 9 شهور و فلوسي ف جيبي
الخلاصة : ضد الفلرز – ضد النضارة
مع البوتكس فقط للتجاعيد التعبيرية مثل العيون و الجبهة
و في أمان الله مع تجاربي التالية بس بتكون احسن و ابسط وما فيها ابر و خوف
ادعوا لي بتسير الولادة و بالضنا السليم المعافى يا رب
افدتيني والله
بانتظار تجربتج مع النضارة بفارغ الصبر
اترياج..
اترياااا تجربتج مع ابره النظارة
وممكن تطرشيلي اسم الدكتور
حلووووووو
شراتي بس ما جربت كل ربيعاتي يقولون لي
سوي بوتكس عسب الخطوط الرفيعة في أعلى الجبهة
مترددة لأنهم قالوا لي ما يتم الا شهرين بالكثير ،،،،
حرام تلعبين في وجهج من كلامج انج صغيره
الاهم الصحه لالا اقعدين قدام المنظره واايد
اشغلى نفسج في اى شي قراءة او حفظ للقران
المهم ما تقعدى جدام المنظره واايد