السلام عليكم ورحمة الله و بركاته
اليوم كانت عندي اشعه الصبغه ..
اول مارحت قاتلي االدكتوره سري الصيدليه وشتري ابره وخليهم يضربونج اياه قبل لاشعه..وهي عباره عن مسكن شفت مكتوبه عليها (باسكوبنال)
ضربوني في الطواري بعدين رحت للاشعه..قالولي ارتاحي ربع ساعه لين اتي دكتورتج..وافضل عشان لابره تاخذ مفعولها ولاتحسين بشي وقت لاشعه
رحت لاشعه ولبست لبس لعمليات لازم..وتبطحت على السرير اتريادكتورتي..وكنت استغفر..
وحضرت دكتورتي الحبوبه..
نطفت الرحم بمعقم بعدين حطت لابره ووضعت فيها السايل الملون…
طبعا لاشعه مدتها 5 دقايق ولم احس باي الم.مجرد الم بسيط لايذكر خواتي..
وخلصت ولبست ملابسي..وصرفتلي مضاد عن الاتهاب بعد لاشعه..ونتيجة لاشعه بعد كم يوووم
اتمنى انكم استفدتن خواتي…واي سوال انا حاضره
دعوااتكن لي فديتكن اني احمل…عسى وحده منكم دعاءها مستجاب
أنا قالولي أعيدها للمره الثالثة
اول مره سويتها حملت الحمدلله فنفس الشهر والله ماكتب
ثاني مره سويتها عقب ماربيت وعقب 4شهور من سويتها حملت وبعد الله ماكتب
وطولت صارلي سنه من ربيت وماحملت قالولي اعيدها><
الله يعوضنا على صبرنا خير يارب ويرزقنا اجمعين
بس بصراحه وايد مفيدة هالاشعه أتكون وسيله للمساعدة على الحمل طبعا بعد إرادة رب العالمين
تسلمين حبيبتي على الرد…ان شاءالله تكون مساعده على الحمل ياااارب…حتى الدكتوره قاتلي تنطف الرحم وتنشط المبايض..يارب يكتبلي ويكتبلج ويكتب لجميع خواتي الحمل يارب يا اكرم الاكرمين
باجر اذا الله راد بسويها والله يسهل علينا ان شاءالله
الله يرزقج بالذريه الصالحه يا رب