السلام عليكم،،،،،،،
حبيباتي ،، انا من مدة اعاني من شعري الخفيف من سنه تقريبا ،،، وعندي ايضا شعر زائد عند الذقن،،، المهم جربي اسوي اشياء طبيعيه لعلاج شعري من خلطات وحنا وزيوت الخ ولكن لا فائدة
المهم الى ان توكلت على الله وقررت اسير دكتور جلدية( عيادة خاصة) ،،، وهذه اول مرة لي اسير دكتور جلدية،، لعلاج شعري الخفيف وبالمرة اسوي ليزر حق شعر الوجه السميك،،
ولما قابلت الدكتور سألني اذا سويت فحص للهرمونات : قلتله لا
الدورة عندج متلخبطة : قلتله لا
وكشف على شعر راسي+ الذقن،، وقال لازم لي علاج قوي
ابر ميزوثيرابي للشعر + ليزر للوجه
وسويت اول جلسه
المهم يوم خلصت الدكتور عطاني الوصفة وصرفتها في الصيدليه ،، وكاتب لي بخاخ هيرجين (مينوكسديل 2%) وشامبو انافيز anaphase لين الحين تمام
بس اكتشفت انه كتب لي حبوب ياسمين لمنع الحمل + ودوا ثاني ما حصلته في الصيدلية
وهالحبوب استخدمهم اول يوم دورة لمده 15 يوم ،،،
بس الصراحه انا خفت من حبوب ياسمين لانها لمنع الحمل وانا عمري 21 ومو متزوجه ،، وهو ما سوى لي فحص للدم ولا طلب مني ،، ومتخوفة من الحبوب ومستحيل اخذها النشرة اللي داخلها تخوووف بلاااوي سرطانات و صرع
شو رايكم ؟؟ ابي تجاربكم ؟؟ وصح هل عادي بعد الميزوثيرابي ينزل دم خفيف مكان الابر؟؟؟
حبيبتي حبوب منع حمل لاتاخذين
بالنسبة للأبر انا جربتها لمدة 6 شهور وما منها فايدة الآم فظيعة بالراس دون فائدة
بس ان شاء الله تفيد معاج
وبالتوفيق
لا تستعملينهن
لا تاخذين الحبوب .. وناقشي هالموضوع مع الدكتور
شكرا حبيباتي،،، والله يسهل عليكم وعلي
فديتج انا سمعت انه الدكاتره يصرفون دوا منع الحمل …
هالادويه فيها نوع من الهرمونات .. يعني مب بس شغلها تمنع الحمل .. لها دخل ف الهرمونات اللي تختص بالشعر .. شي جي ..
انا بعد ربيعتي مب معرسه و الدكتور صرف لها دوا منع الحمل ..
و بالنسبه لابر الميزوثربي .. انا عندي نفس مشكلتج شعري واااااااايد يتساااقط و ماخليت شي ما جربته ..
و وااايدين نصحوني بهالابر .. بس محتاره ..
شي منهم فادهم و القله اللي ما استفادوا ..يعني 1 من 10 اللي ما استفادوا ..
و البخااخ وااايد زيين .. قريت عنه وااااايد .. استمري عليه ..
و بالنسبه للتحاليل يمكن بسوي لج التحاليل بعد 3 اسابيع من اخذ الادويه ..
انتي ردي و اسالي الدكتور و شوفيه شو بيقول لج .. عسب تتطمنيين …
و خبرينا بالنتااايج
انا سويت الابر 7 مرات ..حص تحسن شعري لكن التساقط كان مستمر مع اني كنت استخدم هيرجين يمكن شهرين تقريبا..بس مليت منه لان انا شعري بين الجاف والعادي ويوم استخدم الهيرجين احس اليوم الثاني يبدا يزيت وانا ما احب اغسل شعري كل يوم لان احس انه بيخترب من كثرت الغسال خاصه شعري مب دهني..يعني اغسل يوم وترك او يوم ويومين ترك
اذكر الدكتوره كانت تقول ان هير جين تبين نتايجه بعد 3 شهور او 6 شهور واصلا تستخدمين مرتين في اليوم..حسيته تعب خاصه لان كنت متحمسه ابغي استخدم زيت العشبه الهندي