تجربتي مع التوفير

بنات اليوم موضوعي عن كيف توفرين من راتبج تابعوني وان شاء الله بتستفيدون

الأغلبية منا يعمل ويستلم راتب وطبعا رواتبنا ولله الحمد حلوة لكن ليش ما يوصل اخر الشهر الا خلص الراتب
مع انه احيانا يكون البيت الواحد فيه اكثر من 3 افراد وجميعهم يشتغلون وجميعهم نص الشهر مفلسين

اليوم راح اتكلم عن تجربتي اللي استفدت منها كثير
اول شيء سويته رحت للبنك وفتحت حسابين
حساب جاري = معه بطاقة سحب
حساب توفير= ما معه بطاقة سحب

الجاري ينزل راتبي كامل فيه بعد يوم من نزول الراتب يتحول مبلغ اخصصه لحساب التوفير وانا خصصت اكثر من نص راتبي عسب احوله للتوفير
وطبعا لانه مامعي بطاقة لحساب التوفير فما بقدر اشتري او اسحب
بس فيه خاصية تحويل فلوس بالتلفون من التوفير للجاري بالأزمات (وهذي الخاصية ما نبي نستخدمها الا وقت الضرورة القصوى)

1- عودي نفسج من اول شهر تنوين فيه التوفير انه يكون بحسابج مبلغ بسيط جدا والباقي كله حوليه توفير
واعتبري وكانه ما عندج غير هذا المبلغ البسيط وانج مفلسه بتشوفين انج راح تتصرفين بطريقة اكثر حكمة وبتبدين تحسبين حسبة لكل شيء تشترينه.

2- حطي لج حصالة بالبيت يعني احيانا يكون معاج فكة حطيها داخل الحصالة ولما تمتلئ اتبرعي فيها والله يا بنات ما ذقت حلاوة الراتب الا لما تصدقت وتبرعت وربي وربي وربي والله الشاهد علي انه الفلوس تجيني فجا’ من مكان ثاني غير الامور الاخرى من راجة نفسية وترقية واموري تمشي تمام ولله الحمد

3- لما تروحين الجمعية حددي مشترياتج حسبالفترة البسيطة يعني اذا بتشترين اكل اشتري حق اليوم نفسه او الاسبوع الاول مو حق شهر كامل يعني جيبي ورقة وقلم وقولي يوم الاحد بسوي هالاكلة وبعده هذا ….. الخ وحددي الاغراض اللي بتحتاجينها حق اسبوع واشتريها اسبوعيا

بكمل الباقي لما اشوف تفاعلكم وتجاربكم

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،