تجربتي الشخصية مع الكيراتين .؟؟؟؟

أولا بصراحة أنا من دبي بس لفيت وايد بصالونات دبي وكل حد يمدح بشغلة وبالمواد اللي يستخدمها .
ثانيا الأسعار كانت خياليه ومبالغ فيها بشكل ما يستاهل مع الشغل والخدمة اللي تحصليها.
ثالثا أنا بصراحة ما أحب حد يمدح بشغلة ويطلع عمره السماء على حساب انه يذب ويقلل من قيمة وشغل غيره ويسوي عمره الفهيم والناجح وغيره مالهم لازمه في هالمجال.

عالعموم أنا دورت ودرت ودرت وافتر رأسي وسألت لين ما حصلت صالون ييوظبي اسمه (صالون روز ) وايد مدحوا فيه وخواتي اللي عايشات ببوظبي يتعاملون معاه وربيعات خواتي بعد مدحوا وايد بشغلهم وخاصة القصات والصبغات ..أما صاحبة الصالون مدام نجاح فهي انسانة راقية واستايل بتعاملها ..هالكلام شجعني والله وتوكلت على الله ورحت لها.

صراحة اللي عجبني في مدام نجاح انها تعطيج الفرصة تتكلمي وتشرحي المشاكل اللي تعانين منها في شعرك…..وتفهم شو اللي تبغيه وخاطرج فيه وتحاول تنصحك بشو يفيد او ما يناسبك..

أنا خبرتها بأن شعري تعبان ويتساقط بكثرة واهم شي الجفاف اللي صاب شعري وبهذلني ..فنصحتني بالبداية بعمل تريتمنت او علاج للشعر قبل البدء بعمل الكيراتين.

عملت بنصيحتها واسويت التريتمنت عندها اول مره وكان لازم اكمل 3 مرات ..مره كل اسبوع بس لاني ساكنه بدبي وصعوبة الروحة لبوظبي كل اسبوع فمدام نجاح ما قصرت اتصلت بالصوالين اللي تعمل نفس التريتمنت بدبي واتفقت معاهم ان يكملون لي العلاج …
أنا رحت صالون برفيكشن بالجميرا وهم اللي يسون العلاج نفسه ولكن وبأمانه انهم موب بجودة ولا اهتمام صالون روز لأنهم كل مره يخلون اي وحده تسوي لي وبدون اهتمام وثاني شي ما عطوني الشامبو ولا البلسم الخاص لهذا العلاج بعد ما خلصت الجلسات معاهم…جتى لما كلمت مدام نجاح بعد فتره وفهمتها ان هالعلاج ما ساعدني ولا عطاني النتيجة المرغوبة بشعري تضايقت وايد علي وانصدمت انهم ما عطوني الشامبو والبلسم .

وما قصرت عطتني هي الشامبو وقالت لي استمري وشوفي النتيجة..بأمانة وقف التساقط وايد وبنسبة 70% تقريبا ولكن لاحظ بأن هذا العلاج لا يناسب الشعر الجاف أبد وبالرغم ان كثير جربوه وفادهم بس سبحان الله النتيجة تختلف من شخص لأخر.

مدام نجاح كانت تتصل وتتطمن علي وعلى النتيجة فخبرتها بأني مصره وابغي اسوي كيراتين لانه اريح شي لجفاف الشعر ولكن قبل ان اذهب اليها قمت بالبحث بالنت عن افضل كيراتين متوفر بالعالم ..وكانت ماركة (جلوبال) الامريكية هي افضل نوع في العالم…..وهذا هو النوع الذي تستخدمه مدام نجاح.

توكلت على الله وذهبت اليها وما قصرت أبد أبد وبالاهتمام والشغل النظيف وبعدها قصيت شعري فصار الشكل صراحة خبال ….والحين صار لي 3 أسابيع والحمدلله شعري مستوي حرير ومرتاحة منه وكله كوم وألمعه كوم …صراحة أنصح كل وحدة تجرب الكيراتين لانه أحسن علاج للشعر بس المهم تسألي عن نوع الكيراتين المستخدم بالصالون.

وقالت لي مدام نجاح عشان تحافظي على اطول مده للكيراتين لازم تسوي علاج كيراتين سريع تحت البخار بشكل شهري تقريبا حتى يستمر لسنة .

أحب اشكر كل حد نصحني وعطاني الفكرة الواضحة عن علاج الكيراتين…واشكر كل حد نصحني بصالون روز ..واشكر مدام نجاح على اهتمامها وذوقها وشغلها الكثر من رائع.

بس شكلج عانيتي وشغلته شغله هالكيراتين