السلام عليكم حبيباتي
انا مشاعر من الامارات
صار لي منفصله عن زوجي 4 سنوات وفي هذه الفتره كل اللي يتقدمون لي متزوجين وكنت ارفض الفكره من اساسها ..بحكم اني اصلا ما تميت معرسه وايد وظروف طلاقي مش بيدي يعني أفكار وايد وآمال في حياة تعوضني عن المأساه الأولي
ولكن للأسف مجتمعنا ينظر للمطلقه ان ليس لها الحق حتي أن تحلم !!
مع أن في حالات مطلقات وعندهم اربع وثمان عيال وتزوجوا عزوبيه !! اللهم غبطه لا حسد!!
والحين مطلوب مني اقرر مره ثانيه الزواج لظروف صحيه معينه علي الزواج والانجاب بأمر الله
فهل اقبل برجل متزوج ..!!
تتدرون شو مشكلتي ..انا طيبه وايد ما احب حد ينظري اني زوجة أب لأني اعرف شو تعني هذه الكلمه خاصه اني معانيه منها الويل وما احب اي شخص ينظرلي او يكرهني مثل ما كرهت مرت أبوي!!
بس الظروف والوقت والعمر !!
شو نسوي انا والآف غيري من البنات !!
شاركونا بنات ..منو منا ما تحلم يكون زوجها لها بس ما يمكله حد ..منو منا ما تتمني ريال تكون هي محور حياته وبس؟؟
ليش مجتمعنا يتظر للمطلقه نظره سخيفه جداً؟؟ عانيت منها فالعمل وفي علاقاتي الخارجيه ولو اني ما املك شخصيه قويه كنت انجرفت في تيار لا رجعه منه ؟؟
اعذرولي ولكن في الكثير من الاحيان نحتاج ان نتحدث مع أشخاص لا يعرفون من نحن علهم ينظرون للامور من زاويه مختلفه !
الله يرزقني ويرزق كل البنات الزوج والذريه الصالحه 
دمتم بحب
لا دفديتج الطلاق مو عيب…..
ومب كل المجتمع يطالع من نظره وحده
وين ما ايكون نصيبج بتاخذيه واذا كان ريال خلوق توكلي على الله
الايام تمظي والعمر يفوت ودام انه حد باغنج لا ترديه
الله يوفقج………..
ربي يوفقج يالغالية
ويرزقج الزوج الصالح .. مثل ما تمتنين ^_^ واكثر بعد ..
ويسعدج دنيا وآخره
الله يوفقج يا رب و رزقج ع قد نيتج
وهذا من حقج انج تتزوجين و تعيشين حياتج ………………….
الله يوفقج وييسر امورج ان شاء الله ..
وانتي مش اول ولا اخر وحده تطلقين .. والمجتمع بمختلف فئاته وجهة نظره نحو المطلقه مختلفه مش كل الناس تفكيرهم واحد بعدين الدنيا تغيرت ..
ولو بتمين تفكرين بالناس ما ترتاحين ((ارضاء الناس غاية لا تدرك ))
شو يعني مطلقه ؟؟ اهم شي تكونين واثقه من عمرج ..وما عليج من حد ..
والغاليه مثل مافي مرت الابو القاسيه اللي ما ترحم في الحنونه بعد اصابع ايدج مب سوى ..
امسات وحده من معارفنا خذت واحد عنده عيال بس حرمته متوفيه والشي الحلو في الموضوع ان عياله يحبونها لانها مهتمه فيهم جنهم عيالها صدق ..
والزواج قسمه ونصيب .. وانا لو كنت مكانج بستخير واللي فيه الخير الله بيجدمه ان شاء الله ..