بسم الله الرحمن الرحيم
انا جربت وصفتين وبالمرتين احمل عطول من اول شهر ،، ولله الحمد
كتبت الموضوع للفايدة ،،
الوصفه الاولى :
من اول يوم دورة لعاشر يوم بسسس
اكل ع ريق قطعه اناناس
وبعد الفطور
اخذ نص خاشوقه شاي من كل شي مطحون( فلفل اسود و كمون و قرفه )
ويا نص خاشوقة شاي مب مطحون (حلبة و رشاد)
وامسكهم ويا خاشوقه عسل و امضغهم وعقب ابلعهم ،،
واشرب وراهم ماي دافي اكررها مرتين صبح ومسا ،،
وخلال اليوم اشرب اكثر عن كوبين مراميه ،،
عن نفسي طبقته 4ايام ما استمريييت لعاشر يوم تعبت ،، اللي لاحظته غزارة فالحيض و ماي << هذا معناته كان عندي سدد و انحلت ولله الحمد
الدورة كانت نازله 2/6 وشيكت بتاريخ 30/6 طلعت حامل ،،
الوصفه الثانية :
كنت قارية معلومه فالصحة والطب ان لو النساء فالاربعين شربن يوميا عصير العنب بيزيد الخصوبه عندهن وبيحملن من اول شهر ،،
كنت فهالفتره فلندن و عصايرهم اللي بالعنب والتوت و الرمان كلها فرش وطعمها لذيييييييذ الذ عن اللي عندنا كنت فاليوم عادي اشرب لتر من العصير ويوميا لمدة شهر وقتها كنت ارضع ولدي والدورة ابدن ما يتني بعد الولادة وبعد شهر من شرب العصير نزلت الدوره فشهر 8 و فشهر 9 طلعت حامل لكن ربي ما كتب لي انه يستمر وسقطت ،،
احين : انا فرابع يوم دورة ياسه اعيد اول وصفه وزيدت عليها حبوب الفوليك اسيد و حبوب الفيتكس (بوقف عنها اول يوم تبويض) و فاخر يوم بجرب ادخن بالشاي الاخضر لمدة 3 ايام وبجووف النتيجة شو !!
لا تدخنين انا جربت واستوت لي التهابات قويه والله
يقصون علينا ونحن انصدق حاسبي
ربي يرزقج حبيبتي و ما يضيع تعبج .. يزاج الله خير
مادري بس احس لا تكثرين من هالاشي
واستشيري دكتورة بعد احسن
ترى حتى الأعشاب والأشياء الطبيعية يوم تخلطينهم واتكثريين منها لها أضرار جانبية
ومب شرط اللي يناسبج يطيح على غي
لأن مب كل وحده متأخره احتمال عندها انسداد
عموما مشكورة فديتج على الموضوع ونصيحة ابتعدي عن البخور بالجاي والاعشاب وهالسوالف
ربي يوفقج اختي
و لله الحمد سويت تسسست الدم اليوم وطلع بوسيتفف
ربي يتمم لي الحمال ع خير
بالمبارك حبيبتي
بس ممكن تشرحيلنا حبوب فيتكس وكيف إستخدامه.؟