انا انسانة بطبعي دوم متفائلة وايجابية والحمدلله دوم متوكلة على الله
اعرف ان كل تاخيره وفيها خيرة بس حاسة ان هالشعور والتفائل بدا يروح مني والسبة بهالليسن
اليوم رسبت بالباركن والريوس للمرة ال4 ويتني غصة قوية حيل ماحسيت بعمري الا وانا اصيح
مع ان كل مرة ارسب اقول الحمدلله وخلاص المرة الياية ان شالله نجاح وخلاص ولا عالبال ولا عالخاطر هالمرة حسيت اني جدا فاشلة (للعم اني اسوق من دون ليسن صارلي اشهر في منطقتنا والي بالبيت يمدحون سواقتي يعني المسالة مو مسالة ثقة الحمدلله اسوق مافي اي خوف) بس بالمدرسة هذا الي يصير لي احس انه قام يحبطني لدرجة فظيعه وعلى شو باركنات !!!
ماعرف شو اقول بس الي احسه قمت افضفض فيه
ادعولي يابنات والسموحه منكن
اختي لو كنتي سواقه ماهره وحزت الامتحان كنتي خايفه ومرتبكه بترسبين
لان السواق يبالها جراه وسرعه تصرف
في بنات ما يعرفن يسوقن وعندهم ليسن تعرفين ليش لان وقت الامتحان كان يسقن يسقن بثقه من غير ارتباك
المره اليايه دخلي الامنحان تحدي مب خوف وخلي الابتسامه والتفائل على ويهج وان شاء الله بتنجحين
واذا عغصبن عنج اتخافين حاولي اتفكري بشي يفرحج عشان المود مالج يتعدل
والله يوفقج
انا الريوس رسبت فيه يمكن 7 مرات و اخطاء تافهه جداً
و عقب ياني احباط و وقفت وخلاص ماباه لان ابويه كان مصر اخذه
بس عقب صار عادي و ماكملت
كل تاخيره فيها خيره يالغلا
هاه نحن شو استفدنا من السواقه ؟؟؟؟؟؟
ترقدنا في المستشفى بسبه السواقه
الحمدلله ع كل حال
ادري قدر ومكتوب
بس الله خلق لكل شي سبب
الله يوفقج يالغلا
زين اختي انك تعرفين تسوفين بشكل عام
يبالك بس تركزين وقت الامتحان ودوم خذي السيارة مع حد من الاهل ودربي على الباركن وجي
وكافي انك تعرفين تسوقين في غيرك ياخذها بس مايعرف يسوق ويسوي حوادث ومشاكل
وصح كلام الاخت السيارة كلها مشاكل بس كله في النهاية بتوفيق من الله
بأذن الله المرة القادمة بيحالفك الحظ توكلي علي الله
كل تاخيره فيها خيره يالغلا