بنتي والمذاكرة والاهمال

الله يخليكم ساعدوني بنتي بتجنني وبستوي خبلة منها
هي في الصف الثامن طبعا ما التذاكر والاتدرس ابدا الا انا ادرسها مثل البيبي وفي الصف ماتحل مع المعلمة ابدا ومهملة وراسبة في الفصل الاول والتقويم هذا الشهر والحين حطيت لها مدرسات للمواد الي راسبة فيها تحب تلعب وتطلع وتروح البيت عمها ضرب ضربتها ولافية فايدة وعقاب وعاقبتها وحرمان وحرمتها بس ماشي فايدة
بس شو الحل على اساس تدرس بروحها خواتها اصغر عنها ناجحين وشاطرين ويدرسون بروحهم
الله يخليكم ساعدوني ولو فية دكتور اوديها له يكلمها ويفهمها
موب عارفة مصلحتها الله يهديها

اختي يمكن عشان بدت في دخول في السنن المراهقه وتعرفين في هذا السن اعاندون انتي اصبري عليها

اي صبر الله يخليج هذا طبعها منهي صغيرة وبعدين شوا باقي على الثانوية ماشي الاكم سنة

وضحيلها ان معاملتج لها بتكون غير ان شفتيها تدرس بروحها وحتى لو بمساعده منج ………..
وفهميها انها بترتاح من حشرتج لها إذا هي درست وإهتمت ………..
و أهم شي ……….خليها تخطط معاج يومها ………يعني في الأول تخلص دروسها ………وتذاكر وتذاكر لن الإمتحانات قربت ……….وممكن ترتاح بعد كل 40 دقيقه ربع ساعه ………
ثم يكون يومها ملك لها ………..تسوي أي شيء تحبه ….طبعا بشرط تدرس قبل
الله يعينج ……….
لأني عندي ولد صف تاسع نفس المعاناة معاه ………
عطيته هالنصايح …………
.ويقول أنه يدرس وينتبه في الصف ………
.لكني للحين ما شفت نتيجه وشكلي بحطله مدرس عشان ينجح بس هالسنه ويعدي
والله يعيني عالسنه اليايه عاشر ………

عامليها كانها صديقتج وقولي لها انج تتمنينن تشوفينها مميزه من بين البنات وبين اخوانها بشوي شوي لا تضربينها البنت في هالعمر صعب التعامل معاها تبا عاطفه زياده تبى تحسسينها انها ممكن تلجا لج وقت ماتحتاج وطنشيها كم يوم ولا تقولين لها ادرسي صدقيني هي تسوي جي علشان انتي تهتمين فيها وتلفت انتباهج لا تعاملينها بقسوه صدقيني هي تحتاج للحنان في هالعمر اكثر عن اخوانها اللي اصغر عنها الله يعينج ويسهل امورج

الله يعينج عندنا نفس هالمشكله اختي الله يهداها كل يوم بمشكله وهي في الصف السابع ولا تفهم ولا تحس

فوووووووووووووووق