بغيت أسأل الأمهات اللي مرن بنفس معاناتي مع بنتي
الله يسلمكم عمر بنتي ثلاث سنين وللحين معتمده على الحليب الصناعي يعني ما يطيح بطنها غير الحليب من تصبح الين ما تمسي ووزنها ما يتجاوز ال 12 كيلو مع ان الدكتور نبهنا ان وزنها المفروض يكون أكثر عن جي بوااايد
والله تعبت وأنا أراكض وراها عشان تاكل جربت معاها الطيب والغصب والحيله وكله ما نفع معاها واللي مسبب لي مشكله اني ناويه أسجلها في الحضانه السنه اليايه يعني مش معقوله ترضع من المرضعه وهي في الروضه
بشو تنصحوني …هذي أول طفله لي وما عندي تجارب سابقة..
انا بنتي توها مكملة سنتين وشهر بس متحلفتلها اني عقب رمضان اشل عنها المرضعة
وناوية اقص ربلة المرضعة ——— جربتها مع المصاص قبل ونفعت فترة لكنها حصلت البديل
بحط ع الربلة مال المرضعة — مرة – جربتها مع المصاص و
ودرته وافتكيت
حميتي حطت في الحليب ملح وبنتها ودرت الحليب
صح انهم بيأذونا كم يوم بس بنستحمل
والله اني عانيت معاناة مع المصاص لكن الحمدلله انها ودرته
صدقيني من اتشلين عنهم المرضعة بيحسون بيوع وبياكلون
جربي وخبريني عن اخر التطورات
مشكوره اختي عاليه بجرب وبخبرج بالنتايج بس انتي ادعيلي
ولدي كان جذيه وجربت كل الطرق بس عاقبته احاول اخفف الحليب في الليل وخاصة قبل بساعة على الاقل ويوم ينش ياكل احاول الهيه وانسيه المرضة لين ماتعود ياكل وشوي شوي انشاءالله يتركها ادعولييييييييييييييييييييييي
بعد هذي الطريقه اوكي وأظن بتنفع يا روح القلب
يا اليازيه لا تسوين شراتي وتخلين الياهل تعتمد على اصناعي راح تتعبين
اني ناويه أسجلها في الحضانه السنه اليايه يعني مش معقوله ترضع من المرضعه وهي في الروضه
بشو تنصحوني …هذي أول طفله لي وما عندي تجارب سابقة..
اختي بنتج حرمة وبعدين ليش السنه اليايه حضانه ؟؟ المفروض روضه تكون !!!!!
اانا ولدي عمره سنتين و5 شهور ويروح حضانه والسنه اليايه روضه وماعطيه مرضعه وياكل ماشاءالله ووزنه 20 كيلو حبيبي بسم الله عليه
شليها عنها مره وحدة بون تفكير
وخذيلها بدايل
حليب فراوله وعصاير لاكنور وتشرب بالمصاص حرمه ماشاءالله 3 سنوات
وانا شراات الحاله ولدي عمره سنتين وشهرين وعايش ع الحليب