طبعا بحجة انها شاطرة فالمكياج وتعرف تمكيج حلو ومسوية دورات تريد تسوي مكياج عرسها بروحها وهي وااااايد عنيدة ، تقول الصالونات ما يوصلون للي ببالها وبخربونها ،، خصوصا يوم ملجتها خبلت فالي تسوي لها التسريحة واللي تمكيجها سوي ولا تسوي ، والحين طلعت لي بفكرة يديدة تتمكيج بروحها ،،
شو رأيكم ؟؟؟؟؟
اختي الظاهر ان هاي اول بنت تعرس ، عشان جي وايد مهتمه انتي
برايي ها يوم عرسها .. خليها تسوي اللي تباه
عن نفسي صراحه ماحب التدخل الزايد بالذات يوم تكون البنت بتعرس لان ها اهم مناسبه او حدث يصير بحياتها
ف لو صار شي هي ماتباه او مب مقتنعه فيه ، بتخرب اهم ليله بحياه اي بنت !
دامها مقتنعه وتبا ، بكيفها ^^ وخفي شوي عالبنوته خخ
ربي يكتب لها الخير ويسعد قلبج ويفرحج فيها ويتمم لها ع خير
انا ضد هالشي بس يوم هي مصممة وعنيدة ما بيعجبها شي الافضل او انج ترشحين لها حد من الماكييرات المشهورات من بحرين والا كويت
بالعكس ما اشوفه تدخل
هاي امها من حقها تقول رايهاا
قوليلها انتي بتكوني فهاليوم متوترة وممكن ترتجفين .. حزتها من وين بنيبلج وحدة شغلها زين تسويلج
يا انج بتسوين شي مو حلو لانج متوترة .. او بنروح صالون اي كلام يسوولج
والحين الماكيرات يعتمدون عالكونتور و ابراز جمال الويه اكثر من الالوان و رسم ويهه يديد
وربي يتمم لها على خير و يهنيهم
ترى هذا الي يخوف وايد تتوتر بس عنيدة ، بخيلها على راحتها لكن أباً اعرف آرائكم فان العروس تمكيج نفسها بنفسها ،،، احس الماكيرة لو لتتزوج ما بتسوي لعمرها ،،
خليها تسوي بروفا على عمرها يمكن بالفعل هيه بتسوي اللي يناسبها اكثر
تسوي تجربه و تحدد شو الادوات و الانواع اللي بتستخدمها
و حتى لو كانت متوتره بس مسويه نفسه في التجربه بتكون اكثر ثقه
و المهم انها تكون راضيه عن عمرها في اهم يوم في حياتها