اشحالكم بنات ؟؟
بنات انا حلمت اليوم حلم وبغيت حد يفسرلي اياه ..
حلمت انه ربيعتي واللي هي بنت يرانا زقرتني وانا سرت بيتهم ب سيارتي
و أول ماوصلت بيتهم شفت اخوانها الثنينه يضاربون [الكبير يضرب الصغير بس مب ياهل عمره بداية العشرينات]
المهم تم يضربه ضرب لين مادوخ وانيرحت ايده وتقطر دم … وانا من شفت ها الموقف بسرعه سرتله
ويبت غترته ولفيتها على ايده لانها تنزف وايد وهو بروحه مدوخ !!
فيبته على صوب وخليته ييلس شوي يرتاح وسرت حجرة اخوه اللي ضربه قلتله ليش سويت جذيه ؟؟ حرام عليك اخوك الصغير هذا !! الحينه لو استوابه شي انت المسؤول !! [ كنت ارمس وانا متحسره]
قالي عادي عادي عشان يتأدب وماعرف شوه .. طلعت عنه وسرت عند الصغير شفته تعبان وايد خفت عليه وركبته سيارتي ووديته المستشفى قسم الحوادث .. هو دخل داخل عند الدكاتره وانا شليت تلفونه واتصلت حق اخووه الاكبيرررر المعرس .. بس قبل مااتصل قلت بطرش مسج عشان حرام هو معرس اخاف حرمته تفهمه غلط … طرشتله مسج كتبتله السلام عليكم اخوي "فلآن" انا فلانه بنت يرانكم تعال المستشفى بسرعه اخوك "فلآن " تعبان وايد
ثواني ورد اتصل وقالي من شوه وكيف وانتي في اي مستشفى ؟؟ كلمته وقلتله كل شي
يا على طول والحمد لله استوا كل شي اوكيه والحينه ياايين بنسير البيت قلت حق اخوه العود ماعليه انت سير بيتك انا بوصل اخوك البيت لاتحاتي هذا مثل اخويه وجذيه
ووصلت المصاب بيتهم وقبل لا افجله الباب عشان ينزل شفته شوي جنه يبا يرقد .. حطيت ايدي على يبهته حسيتها حاره قلت اوييه فيك حمى ووديته حجرته وقلت حق البشكاره اتييب كمادات ويلست وياه وهو مايحس بعمره من الحمى والتعب
واهله كلهم في البيت ويدرون بكل شي بس محد فكر يسأل شو فيه كل ما اقولهم تعالو اخوكم مريضضضض تعالو يقولن لا عادي بيخوز عنه ..
ونشيت عقب من ها الحلم الغريب شوي علي …
لاتقولولي دوري في القوقل دورت ماحصلت شي لوول
ياليتكم تساعدوني …
حبيبتي حلمج فيه دم وانا اللي اعرف اذا شفتي حلم فيه دم يبطل الحلم وهذا يعني مب لازم اتفسرينه
وان شا الله البنات يفيدونج
والسموحه
مشكوره حبيبتي ع المرور
اهيءءء يعني مابيكون له تفسير ><
آشكرج ع المرور الغاليه
~_~
كلام خواتي صح يعتبر الحلم ما له تفسير
ممكن تحذفون آلموضوع ^_^