السلام عليكم
انا بقولكم تجربتي مع الليزر والسوفت لايت
جربت الليزر فل بدي امس عند الدكتوره سعاد لطفي
نوع الليزر البارد مادري الثلجي ..
الفل بدي يشمل
ريولي
نص ايدي
اندر ارمز
بطني بس جزء بسيط منه
طبعا بدون المنطقه الحساسه
السعر 3500
اول شي شلو شعر جسمي كامل بالموس
وبعدين مررت الجهاز على كامل الجسم
الصراحه وايد يعور ولين اليوم يعورني انا سويته امس
عطتني كريم حطيته والالم بعده هل الشي هذا طبيعي !!
…………………
تجربتي مع السوفت لايت
ويهي اسوي سوفت لايت
وقبل كنت اسوي ايدي كامله
والاندر ارمز
ماعيبتني النتيجه للاندر ارمز
بس ويهي وايدي وايد ارتحت الصراحه
وللحين مستمره للفيس بس
سعر الفيس 550 مع جلسه بعد 10 ايام مجانا
ايدي نصها 700 وشي
الفل بدي عندهم 6000 بس ماسويته
……………………
الحين اباكم اتقولون شو الافضل الليزر ولا السوفت لايت
انا متخوفه من الليزر خاصه انها تجربتي الاولى
وحبيت نتايج السوفت لايت بس سعر الفل بدي وايد
عشان جيه سويت ليزر
ف انتو شو رايكم؟
السوفت لايت حق الشعر الخفيف ينفع مثل شعر الويه وشعر الظهر والبطن مثلا
اما الليزر حق الشعر الاسود والطويل وسميك
انا ماجربت صراحه لكن اختي تسوي وها كلام الدكتوره لها ^^
ما يربت الليزر أو اللايت من قبل .. إن شاء الله الخوات يفيدونج =)
بالنسبه للريول ..حسيتي عمرج إستفدتي منه ؟؟
~
بالنسبه لإختي إلي فوق .. سمعت العكس
الليزر للشعر الخفيف و اللايت للشعر الكثيف !؟!
أنا خاطري أسوي فريولي .. لأن الشعر أسود كثيف بس واااااايد متخوفه
يستخدموووون المووووس !!؟ شكلي بهون
المشاركة الأصلية كتبت بواسطة Gal Girl 
اما الليزر حق الشعر الاسود والطويل وسميك
انا ماجربت صراحه لكن اختي تسوي وها كلام الدكتوره لها ^^
صح كلامج
لاني سالتها ليش ماسويتي شعر ظهري
قالت الشعر خفيف اذا سويته بالليزر بيغلظ
مشكوره فديتج ماقصرتي
ربي يحفظج
^^
المشاركة الأصلية كتبت بواسطة Risa بالنسبه للريول ..حسيتي عمرج إستفدتي منه ؟؟
~
بالنسبه لإختي إلي فوق .. سمعت العكس
الليزر للشعر الخفيف و اللايت للشعر الكثيف !؟!
أنا خاطري أسوي فريولي .. لأن الشعر أسود كثيف بس واااااايد متخوفه
يستخدموووون المووووس !!؟ شكلي بهون
لالا الليزر حق الشعر السميك فديتج
والسوفت لايت حق الشعر الخفيف
لوووول عادي يستخدمون الموس بس يشلون الشعر
وعقب يستخدمون اللليزر
خبرتني ان الشعر بيبد يخف من خامس جلسه وبيكون ناعم
ومايبين
انا بخبرج بالنتيجه لان هاي اول جلسه
^^
ماااعرف
السوفت لايت لشعر الويه الخفيف بس هو مؤقت ما يخفف الشعر
انا جربته للويه وعيبني بس الاندر ارم مول ما عيبني
بس الليزر الحين اسوي ويهي صح شعر ويهي خفيف ووبر بس لونه غامج شوي علشان جي حسيتبه يخفف شعر الويه …مع انهم قالولي ما تحتاجين لويهج كامل بس انا بغيت اسويه ..واللي مرتاحتله انه الليزر بارد وما يسوولي موس ولا يعورني موول