حبيباتي انا تخرجت السنه بنسبه 90 ادبي
وحابه ادخل جامعه الشارجه بس ما اعرف للتخصص اللي عليه طلب بالسوق عسب الوظيفه المستقبليه>>>>> تفكر بالبيزات����
شو رايكم بإداره اعمال وشو احسن تخصص المحاسبة ولا التمويل الفايننس وهل هو صعب ؟
وبعد شو رايكم بكليه الاتصال علاقات عامه منو دارس فيها وهل الدراسه فيها بالعربي صدق وشو مستقبلها
ردوا علي عشان ادعيلكم به الايام الفضيله��
اختي أتصور حسب الميول … يعني سوق العمل فيه مجال لاشياء كثيره حسب التميز .. مثل هل تحبين الأرقام .. مايفرق محاسبه او ماليه .. بس أتصور المحاسبه اسهل ومنتشره اكثر …
تحبين كمبيوتر أي تخصص فيه كمبيوتر مايفرق اختي …
تحبين حفظ مثلا أي تخصص فيه حفظ بعد مايفرق …
تحبين طب واشياء صحيه أي تخصص فيه طب وغيره بتحبيه…….
واغلب التخصصات مطلوبه ولكن حسب كل واحد وحظه … يعني الصيدله مثلا مطلوبه على مر العصور وكثير صيادله متخرجين سواء مواطن او وافد
والصيدليات مليه المكان اختي بصوره كبيره …والكل محصل نصيبه!!
فحسب الميول انا دوم أقول عشان على الأقل في الأخير مابتندم عليه … لانك لو تخصصك شي حسب كلام الناس بتلوم الناس … وتلوم نفسك
حسب رغبك مابتلوم حد …بتقول هذا انا ….
بس الحين أشياء الاداريه كثير دارجه اغلب الناس ياخذون شهادات محاسبه واداره من معاهد …
وفي ناس يشتغلون فيها من غير شهادات …..
والعلاقات العامة هو جزء في الشركات والمؤسسات سواء عام او خاص … ويعتمد على شخص الفرد ومرونته …
يعني تحتاج تدرسين العمل وحاجته لتعامل مع الجهات المختلفة وتشتغلين على تقوية صلات العمل …
مااعرف اذا يناسب البنات .. بس له قسم كامل …
الله يوفقج
هلا أختي
من وجهة نظري أحس الاثنين مطلوبين الأكاونتنغ و الفايننس
و حسب معلوماتي الفايننس أسهل عن الأكاونتنغ ..
و بالتوفيق ..
مشكورين اللي ردوا��
طيب الفايننس بس بالبنوك اشتغل انا ما أبا البنوك عسب الحلال والحرام
هلا أختي خزامى 99
بارك الله فيج على حرصج في مسألة البنوك " الحلال و الحرام "
بس الصراحة أنا ما أقدر أفتي و أحط في ذمتي فعشان جي الأفضل لو
تسإلين حد من خريجي و خريجات هذا التخصص أو الإرشاد الأكاديمي في جامعة الشارجة نفسها ..
و بالتوفيق 