بنات "جامعة زايد" شو ها التخصص؟؟

بناااااااات بغيت اتخبركم عن ها التخصص؟؟

هالتخصص وايد فنان يعني ولو وحدة تحب الدراسه وتكتب اسييات وهالسوالف يعني بتحب هالتخصص وصدق بنات اللي داشات هالتخصص كلهم بيرفكت يعني مب اي حد يدشه

وع فكره هالتخصص فيه اثنين Specialization
1-Culture & Society

هاه لو انتي تهمج امور المجتمع والثقافه وهالسوالف بتدرسينه يعني
طبعا طريقه دراسته اول سمستر بتاخذين intro Culture & Society هالكورس بيعطيج ملخص عن هالتخصص بالذات يعني شو هوه وكيف يعني وشو المجتمعات و الثقافات في العالم قبل واللحينه وكيف
صحيح بهاه التخصص لازم تكتبين
مقالات وتوصل يعني من 500 لين فوق
امتحانات عندج
تقرين مقالات برع
وتقرين الريدنق اللي عاطينكم اياها

يعني التخصص حق وحدة تحب هالسوالف من الخاطر

انزين انتي بتقولين لو انا تخصصت مثلا يعني Culture & Society شو بشتغل بعدين

حبوبه مجال الانترناشنل ستدي اصلا يقبلونه بكل مكان

عندج مثلا لل Culture & Society بتشغلين الله يسلمج
في وزراق الثقافه
هيئه المجتمع
الاحداث
اماكان تخص المجتمع وهالسوالف
وتقدرين تشتغلين بعد في المحكمة و وزراه الداخليه وحتى في السفاره
لانه اكثر مجال هالتخصص تشتغلين بوزاره الخارجيه ومرات الداخليه او السفارة يعني

واحيدني اعرف بنيه ماخذه الانترشب مالها في مدرسه حتى مجال التدريس ترومين تمارسينه
>>> شفتي شو حلو هالتخصص
وبعد تقدرين تشتغلين البنوك والشركات تراه ما يمهم شو تخصصج شي بعض الاماكن المهم عندج شهاده يعني
وحتى ترومين تشتغلين في الجامعه وايد بنات تخرجو ويشتغلون بالجامعه اللحينه

انزين اللحينه عندج Specialization in International Affairs وهوه علاقات دولية

انا وايد حبيت هالتخصص بس ما يناسب ميولي بشكل عام بس هوه هوه صدق روعه يعني

بتدرسين عن العلاقات الدولية وجيه
وخاصه بكورس الانترودكشن بيدرسوكم من تاريخ العلاقات الدولية وشو صار فيهن لين ما وصلنا للحينه وايد وايد روعه لانه صدق حابته
وطبعا تعرفين العلاقات الدولية وكيف تصير وجيه

انزين شو بتشتغلين نفس مجال Culture & Society ترومين بعد تشتغلين اكثر شي
في وزراه الخارجيه والسفاره وتكونين مسؤوله العلاقات الدولية
ترومين تشتغلين عند UN, هيئه الامم المتحده ولا تشغلين عند دول مجلس التعاون الخليجي
شي يخصه في هالسوالف

ويمكن يوم من الايام تصيرين سفيره >>> ليش لاء

وعندج امثله بناس بالامارات هم مثال من هالتخصص

1- عبدالله بن زايد
2- لبنة القاسمي
3- الرومي >>> نسيت اسمها بس هيه الرومي

وايدين منهم بس هاه امثله منهم عشان تعرفين

وفعلا هالتخصص يرفع من المستوى الفكري عن الشخص وهيبته
ويعكس ثقافتج بالدولة نفسها وبباجي الدول
بس نصيحة اذا انتي صدق تمتلكين شخصية جدية وصاحبة تقدر المسؤوليات ومصداقية
بتقدرين تفلحين فيه لانه تخصص وايد سيريس